ەسىل وزەنى دەڭگەيىنىڭ كوتەرىلۋىنە بايلانىستى سولتۇستىك قازاقستان وبلىسى قىزىلجار اۋدانى تەپليچنوە اۋىلىنىڭ اۋدانىندا تۇرعىن ۇيلەردىڭ سۋ باسۋىن بولدىرماۋ ءۇشىن جاعالاۋلاردا قورعانىش بىلىگىن نىعايتۋ جۇمىستارى جۇرگىزىلۋدە. قازىرگى ۋاقىتتا ەلدى مەكەندەرگە ءقاۋىپ ءتونىپ تۇرعان جوق، جاعداي باقىلاۋدا، دەپ حابارلايدى aqshamnews.kz.
ۆەدومستۆو باسشىسى گەنەرال-مايور شىڭعىس ءارىنوۆ سولتۇستىك قازاقستان وبلىسىندا جەدەل قىزمەتتەردىڭ ءىس-قيمىلىن ۇيلەستىرۋدە. ول نىعايتۋ جۇمىستارىنا ينسپەكسيا جۇرگىزدى، بارلىق تارتىلعان قۇرىلىمداردىڭ ءوزارا ءىس-قيمىلىن قامتاماسىز ەتىپ، كۇشەيتىلگەن رەجيمدە سۋ تاسقىنىنا قارسى ءىس-شارالاردىڭ ورىندالۋىن باقىلاۋدا.
سۋ تاسقىنىنا قارسى ءىس-شارالارعا تجم، ءىىم، قم، جەرگىلىكتى اتقارۋشى ورگانداردىڭ ۇلتتىق ۇلاننىڭ جانە تجم اسكەري بولىمدەرىنىڭ جەكە قۇرامىنان 1 600-دەن استام ادام، 152 ارنايى بىرلىك تەحنيكا جۇمىلدىرىلدى.
قازىرگى ۋاقىتتا سۋ سورۋ، قورعانىش قۇرىلىستارىن نىعايتۋ، سونداي-اق سۋ دەڭگەيى مەن گيدروتەحنيكالىق وبەكتىلەردىڭ جاي-كۇيىنە تاۋلىك بويى مونيتورينگ جۇرگىزۋ جۇمىستارى جۇرگىزىلۋدە.
جاعداي تجم تۇراقتى باقىلاۋىندا، شۇعىل قىزمەتتەر تاۋلىك بويى جۇمىسىن جالعاستىرۋدا.