ورالدىق 12 جاستاعى امان سەيفوللانى تىرىدەي "جۇتىپ قويعان" سۋ سوراتىن قوندىرعىنىڭ يەسى ءالى تابىلعان جوق، دەپ حابارلايدى اlmaty-akshamy.kz.
امالى تاۋسىلعان شەنەۋنىكتەر قاندى قۇبىردىڭ قوجايىنىن انىقتاۋ ءۇشىن "جايىق-كاسپيي باسسەينى" ينسپەكسياسىنا حات جولداپتى. جەتكىنشەكتىڭ قۇبىرعا كەپتەتىلگەن دەنەسى دەركول وزەنىنەن شىعارىلعان بولاتىن. مارقۇمنىڭ قايعىدان قان جۇتقان اناسى ءدال وسى قوندىرعىدان بەس-التى جىل بۇرىن تاعى ءبىر بالانىڭ دەنەسى تابىلعانىن ايتادى.
سۋ استىنداعى قۇبىرعا جۇتىلعان اماندى قۇتقارىپ الۋعا ۇمتىلعان ەرەسەكتەردىڭ دە كۇشى جەتپەگەن. كەيىن كومەككە كەلگەن ماماندار قۇبىردى ارنايى قۇرىلعىمەن كەسىپ، بالانىڭ دەنەسىن قۇرساۋدان شىعارىپتى. ءبىراق بۇل كەزدە ءبارى دە كەش ەدى.
پوليسيا قىلمىستىق ءىس قوزعاعانىمەن، ادام ءولىمىن جازاتايىم وقيعا رەتىندە تىركەپتى.