سۋ رەسۋرستارى جانە يرريگاسيا مينيسترلىگى بيىلعى سۋ تاسقىنى كەزىندە كولدەرگە، ليماندارعا جانە سۋارمالى شابىندىقتارعا 12،4 ميلليارد تەكشە مەتر سۋ جىبەردى.
اتاپ ايتقاندا، ليماندارعا 1،2 ملرد تەكشە مەتر، كولدەرگە – 4،5 ملرد تەكشە مەتر، وزەن ساعاسىنداعى سۋارمالى شابىندىقتارعا – 6،7 ملرد تەكشە مەتر سۋ جىبەرىلدى، دەپ حابارلايدى Almaty-akshamy.kz.
Cۋ رەسۋرستارى جانە يرريگاسيا مينيسترلىگىنىڭ مالىمەتىنشە، سۋ تاسقىنى كەزىندە ەلىمىزدىڭ سۋ قويمالارىنا 12 ملرد تەكشە مەتردەن استام سۋ جينالدى – بۇل وتكەن جىلمەن سالىستىرعاندا 2،5 ەسە كوپ. جينالعان تاسقىن سۋى ەكونوميكا قاجەتتىلىكتەرى ءۇشىن پايدالانىلادى.
«جينالعان سۋ نەگىزىنەن اۋىلشارۋاشىلىعى مەن ونەركاسىپتە پايدالانىلادى. سونداي-اق، تاسقىن سۋىن ليماندار مەن شابىندىقتارعا باعىتتاۋ مال شارۋاشىلىعىن قاجەتتى جەم-شوپ قورىمەن قامتاماسىز ەتۋگە وڭ اسەر ەتەدى. تاسقىن سۋدىڭ ءبىر بولىگى سۋ قويمالارىنا جىبەرىلدى. بيىل قويمالارعا جينالعان سۋدىڭ جالپى كولەمى 75 ملرد تەكشە مەتر، بۇل وتكەن جىلعى كورسەتكىشتەن 15 ملرد تەكشە مەترگە ارتىق»، - دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.