قازاقستان رەسپۋبليكاسىنىڭ ۇلتتىق مۋزەيىندە وليمپيادا جۇلدەگەرلەرىنىڭ كيىمدەرىن تابىستاۋ ءراسىمى ءوتتى.
ءىس-شاراعا چەمپيون ولگا رىپاكوۆا مەن قازاقستان رەسپۋبليكاسى ۇلتتىق وليمپيادا كوميتەتىنىڭ وكىلدەرى قاتىستى، دەپ حابارلايدى Almaty-akshamy.kz مادەنيەت جانە اقپارات مينيسترلىگىنىڭ رەسمي سايتىنا سىلتەمە جاساپ.
قازىرگى ۋاقىتتا مۇراجايدا 654 كوستيۋم بولسا، ونىڭ 223ء-ى سپورتشىلارعا تيەسىلى. ولاردىڭ قاتارىندا جاقسىلىق ۇشكەمپىروۆ، داۋلەت تۇرلىحانوۆ، سەرىك ساپييەۆ، باقتيار ارتايەۆ، الەكساندر ۆينوكۋروۆ، دەنيس تەن جانە باسقالاردىڭ سپورتتىق كيىمدەرى بار.
بۇگىنگى تاڭدا توپتاما توكيو-2020 وليمپياداسىندا قازاقستان قۇراماسىنىڭ تۋ ۇستاۋشىلارى ولگا رىپاكوۆا مەن قامشىبەك قۇنقابايەۆتىڭ ەرەكشە كيىمدەرىمەن تولىقتى.