رەسپۋبليكانىڭ سۋ تاسقىنى ايماقتارىندا سۋ رەسۋرستارى جانە يرريگاسيا مينيسترلىگىنىڭ 1000-نان استام مامانى مەن 280-نەن استام تەحنيكاسى جۇمىس ىستەپ جاتىر.
سۋ شارۋاشىلىعى نىساندارىندا جەدەل ءىس-شارالار قابىلداۋ ءۇشىن تاۋلىك بويى كەزەكشىلىك ۇيىمداستىرىلىپ، سۋ كولەمىنە تاۋلىك بويى مونيتورينگ جۇرگىزىلەدى، دەپ حابارلايدى Almaty-akshamy.kz سۋ رەسۋرستارى جانە يرريگاسيا مينيسترلىگىنە سىلتەمە جاساپ.
سۋ تاسقىنىنا قارسى ءىس-شارالارعا ارنالعان قور، سونىڭ ىشىندە تاس، قۇم، قيىرشىق تاس، قاپشىقتار جانە باسقا دا قاجەتتى ينەرتتى ماتەريالدار دايىندالدى.
«مينيسترلىك جانىنان قۇرىلعان جەدەل شتاب جەرگىلىكتى اكىمدىكتەرمەن ءوزارا تىعىز ءىس-قيمىل جاساپ جاتىر. رەسپۋبليكالىق مەنشىكتەگى بارلىق گيدروتەحنيكالىق قۇرىلىستاردا تاسقىن سۋىن اپاتسىز وتكىزۋ جونىندە ءىس-شارالار جوسپارى مەن سۋ قويمالارىنىڭ جۇمىس كەستەسى بەكىتىلدى. جاۋاپتى مەكەمە قىزمەتكەرلەرى سۋ شارۋاشىلىعى احۋالىنا تاۋلىك بويى باقىلاۋ جۇرگىزەدى»،- دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.