ميللياردەر، فيلانتروپ ءارى Microsoft IT-كورپوراسياسىنىڭ نەگىزىن قالاعان بيلل گەيتس بولاشاقتا بۇگىندە ادازمات ومىرىنە دەندەپ ەنىپ بارا جاتقان تەحنولوگيانىڭ ساتسىزدىككە ۇشىرايتىنىن ايتتى.
ءۇندىستان پرەمەر-مينيسترى نارەندرو موديمەن كەزدەسۋىندە. ونىڭ ايتۋىنشا، جاساندى زەردە جاي تاپسىرمالاردى ورىنداي المايدى. بۇل جايىندا islam.kz پورتالى ءوز كەزەگىندە India Today اقپارات كوزىنە ءجون سىلتەگەن hi-tech سايتىنا سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
ونىڭ ايتۋىنشا، قازىرگى ۋاقىتتا نەيروجەلى وڭاي تاپسىرمالاردى ورىنداي الادى. سونداي-اق، ول ادامزاتتىڭ ءاى تەحنولوگياسىمەن جاناسۋدىڭ (تانىسۋدىڭ) العاشقى كەزەڭىندە تۇرعانىن ايتا كەلە بولاشاقتا نەيروجەلى ادام تۇسىنە كىرمەگەن مۇمكىندىكتەرگە جول اشسا دا كوپتەگەن قيىندىقتارمەن بەتپە-بەت كەلەتىنىن جاسىرمادى. دالىرەگى، سىزگە قيىن كورىنگەن تاپسىرمالاردى ورىنداعانىمەن قاراپايىم نارسەلەردى شەشە المايتىنىن مالىمدەدى.
AI دامۋىمەن ىلەسە وزىمەن جۇرەتىن كۇردەلى ماسەلەلەردىڭ ءبىرى – اراجىگىن اجىراتۋى قيىنعا سوعاتى فەيك اقپاراتتار. كيبەركەڭىستىكتەگى قاراقشىلار مەن قىلمىسكەرلەر ىقپالدى تۇلعالاردىڭ بەت-الپەتىن جانە ولاردىڭ داۋىستارىن اينىتپاي سالاتىن جالعان بەينەلەردى جاساۋ ارقىلى قوعامدا دۇربەلەڭ تۋدىرۋى مۇمكىن. بۇل ءقاۋىپ ءوز كەزەگىندە ادام شىعىنى مەن ەكونوميكالىق جانە الەۋمەتتىك سالدارى اۋىر ءتۇرلى قاتەرلەرگە باستايدى.