ق ر دەنساۋلىق ساقتاۋ مينيسترلىگى ەلىمىزدىڭ ءبىرقاتار وڭىرلەرىندەگى سۋ تاسقىنىنا بايلانىستى كەلەسى شارالاردى ۇسىنادى، دەپ حابارلايدى Almaty-akshamy.kz.
1. ءىشۋ جانە تاماق ءپىسىرۋ ءۇشىن تەك بوتەلكەدەگى نەمەسە قايناتىلعان سۋدى پايدالانىڭىز؛
2. سۋ باسۋ ورىندارىندا بۇلاقتاردان، قۇدىقتاردان جانە ۇڭعىمالاردان سۋ ىشپەڭىز؛
3. سۋ تاسقىنىنا مالىنعان تاماق ونىمدەرىن پايدالانباڭىز، مۇمكىندىگىنشە ولاردى كەمىرگىشتەر مەن سۋ تاسقىنى ءۇشىن قول جەتپەيتىن جەرلەردە ساقتاڭىز؛
4. تاماق ىشەر الدىندا، دارەتحانادان، سەرۋەندەۋدەن، تاماق دايىنداۋدان كەيىن قولىڭىزدى سابىنمەن جۋىڭىز؛
5. سۋ تاسقىنىنان كەيىن بارلىق بولمەلەردى دەزينفەكسيالىق ەرىتىندىلەرمەن وڭدەڭىز؛
6. ەگەر جۇقپالى اۋرۋلاردىڭ بەلگىلەرى بولسا (دەنە تەمپەراتۋراسىنىڭ جوعارىلاۋى، جۇرەك اينۋ، قۇسۋ، ءناجىستىڭ بوساۋى، تاماق اۋرۋى، بورتپە جانە ت.ب.)، بۇل تۋرالى دەرەۋ مەديسينا قىزمەتكەرىنە حابارلاۋ قاجەت.