بۇگىنگى تاڭدا اۋىل شارۋاشىلىعى سالاسىنا تاۋلىگىنە 40 مىڭ توننادان استام سۋ نەمەسە ەل اۋماعىندا جيناقتالاتىن جالپى سۋ قورىنىڭ 60%-ى جۇمسالادى.
ونىڭ ىشىندە جەراستى سۋلارىنىڭ ۇلەسى 1،2% نەمەسە تاۋلىگىنە 548 توننا، دەپ حابارلايدى Almaty-akshamy.kz
ءبىرىنشى كەزەڭدە ەكونوميكالىق تيىمدىلىگىن ەسكەرە وتىرىپ، جەراستى سۋلارىنىڭ ۇلەسىن 10-15% دەيىن ارتتىرۋ جوسپارلانۋدا.
ايتا كەتۋ كەرەك، قازاقستان اۋماعىندا پايدالانۋعا بولاتىن جەراستى سۋىنىڭ قورى شامامەن تاۋلىگىنە 43 مىڭ توننادان ارتىق. ونىڭ ىشىندە تاۋلىگىنە 19 مىڭ تونناعا جۋىعىن اۋىل شارۋاشىلىعىندا ءتيىمدى پايدالانۋعا بولادى. سۋارۋعا ارنالعان جەراستى سۋلارى قورىنىڭ كوپ بولىگى الماتى، پاۆلودار، شىعىس قازاقستان جانە جامبىل وبلىستارىندا بارلانعان.
«سۋارمالى جەرلەردىڭ كولەمىن ۇلعايتۋ ءۇشىن سۋ ۇنەمدەۋ تەحنولوگيالارىمەن قاتار جەراستى سۋلارىن پايدالانۋ ۇلەسىن ارتتىرۋ قاجەت. بۇل رەتتە، شارۋاشىلىق-اۋىز سۋ قاجەتتىلىگى ءۇشىن كەرەك جەراستى سۋلارىنىڭ رەسۋرستارى ەسكەرىلەتىن بولادى. مينيسترلىك سۋ ۇنەمدەۋ تەحنولوگيالارىن قولدانا وتىرىپ، جەراستى سۋلارىن سۋارۋ ماقساتىندا پايدالاناتىن شارۋالارعا سۋبسيديالار جانە تومەندەتىلگەن تاريفتەر تۇرىندە مەملەكەتتىك قولداۋ شارالارىن ەنگىزۋدى جوسپارلاپ وتىر»، - دەدى ق ر سريم جەراستى سۋلارى دەپارتامەنتىنىڭ ديرەكتورى جايىق ەرىك ۇلى.