بيىل الماتى قالاسى دەنساۋلىق ساقتاۋ سالاسىنىڭ بيۋدجەتى 334،2 ملرد تەڭگەنى قۇراپ وتىر.
ونىڭ 158،5 ملرد تەڭگەسى ءمامس پاكەتىنە تيەسىلى. بۇل تۋرالى وكق وتكەن بريفينگتە مەديسينالىق ساقتاندىرۋ قورىنىڭ الماتى قالالىق فيليالى ديرەكتورى تىلەۋحان ابىلدايەۆ ءمالىم ەتتى، دەپ حابارلايدى اlmaty-akshamy.kz.
فيليال باسپا ءسوز قىزمەتى تاراتقان حابارلاماعا سۇيەنسەك، قازىرگى تاڭدا قور بىلتىر قالا تۇرعىندارىنا كورسەتىلگەن مەديسينالىق قىزمەت اقىسىن تولىق تولەپ بولدى. بارلىق ەمدەۋ مەكەمەلەرى اۆانس الدى.
«2024 جىلى وڭتۇستىك استانالىقتار مەديسينالىق كومەكتى 213 ەمدەۋ مەكەمەسى ارقىلى الا الادى، ونىڭ 122ء-سى – جەكە مەنشىك. بيىل قىزمەت كورسەتۋشىلەر سانى جاڭا ون كلينيكامەن تولىقتى، ولاردىڭ دەنى باستاپقى مەديسينالىق-سانيتارلىق كومەك كورسەتەتىن مەكەمەلەر، ياعني ەمحانالار مەن ستوماتولوگيالىق كلينيكالار. ولاردىڭ تىزىمىمەن قوردىڭ fms.kz سايتى ارقىلى تانىسۋعا بولادى»، - دەپ اتاپ ءوتتى تىلەۋحان ابىلدايەۆ.
بيىلدان باستاپ قور مەن مەديسينا ۇيىمدارىنىڭ جۇمىسىندا كوپتەگەن پروسەستەر وڭتايلاندىرىلا باستادى. بىرىنشىدەن، قارجىنى مەديسينا ۇيىمدارى اراسىندا بولىسكە سالۋ پروسەسى تولىعىمەن اۆتوماتتاندىرىلدى. بۇل قارجىلاندىرۋ پروسەسىن بارىنشا تەزدەتۋگە مۇمكىندىك بەرەدى.
«مەملەكەت باسشىسىنىڭ تاپسىرماسى بويىنشا ءبىرىڭعاي قىزمەت پاكەتىن كەزەڭ-كەزەڭمەن قالىپتاستىرۋ جۇمىستارى قولعا الىندى. ءقازىردىڭ وزىندە ءۇش نەمەسە ودان دا كوپ كەلىسىمشارتتىڭ ورنىنا ءبىر كەلىسىمشارت، قوس قارجىلاندىرۋ كوزىنىڭ ورنىنا – ءبىر پۋلدى پايدالانۋ جوباسى جۇزەگە اسىرىلىپ جاتىر. بۇل باسى ارتىق قاعازباستىلىقتان ارىلتىپ، اسىرەسە، دارىگەرلەردىڭ جۇمىسىن جەڭىلدەتەدى. مۇنىڭ پاسيەنتتەرگە كەرى اسەرى بولمايدى، ولار مەديسينالىق كومەك تۇرلەرىن بۇرىنعىشا پايدالانا بەرمەك»، - دەدى فيليال ديرەكتورى.