مەملەكەت باسشىسى قاسىم-جومارت توقايەۆتىڭ جولداۋى – وتكەنگە ەسەپ، بولاشاققا باعدار بەرەتىن ماڭىزدى شارا. ول الدىڭعى رەفورمالاردىڭ زاڭدى جالعاسى.
پرەزيدەنت وسى جولداۋى بارىسىندا ەل ەكونوميكاسىن ىلگەرى سۇيرەيتىن الەۋەتتى سالالار رەتىندە: ءوندىرىس پەن قايتا وڭدەۋدى، گەوبارلاۋ مەن تاۋ – كەن سالاسىن، جاسىل ەكونوميكا، اتوم ەنەرگەتيكاسى، كولىك – لوگيستيكا، سيفرلاندىرۋ جانە يننوۆاسيا، كرەاتيۆتى يندۋستريا، كاسىپكەرلىكتى قولداۋ، ماكروەكونوميكالىق ساياسات جانە ت.ب. اتاپ ءوتتى.
ءبىز – باستى مىندەتى اۋىلدى ايماقتى وركەندەتۋگە باعىتتالعان «اۋىل» پارتياسى، ولاردىڭ قاتارىندا – وتاندىق اگروونەركاسىپ كەشەنى مەن سۋ ماسەلەسىنىڭ ايتىلۋىن ۇلكەن تولعانىسپەن قابىلدادىق.
سۋ ماسەلەسى دە تۇتاس ەلىمىزدى قامتيتىن، كۇن تارتىبىنەن تۇسپەي تۇرعان كۇردەلى تاقىرىپ. پرەزيدەنت كەشەگى جولداۋىندا اتالعان سالاداعى ماسەلەلەر كەشەنىن ءدال ايقىنداپ، شەشۋ جولدارىن ۇسىندى. اتاپ ايتقاندا، ورتاق ترانسشەكارالىق سۋ رەسۋرستارىن كورشى ەلدەرمەن بىرلەسە پايدالانۋ، سۋدى ۇنەمدەۋ تەحنولوگيالارىن كەڭىنەن ەنگىزۋ، سۋدى مول قاجەت ەتەتىن داقىلداردان بىرتىندەپ باس تارتۋ، توزىعى جەتكەن سۋارۋ جۇيەلەرىن قالىپقا كەلتىرۋ، كوكتەمگى قىزىل سۋ مەن كۇزگى جاۋىن سۋىن جيناقتاۋ ماقساتىندا جاڭا سۋقويمالارىن سالۋ، قولدانىستاعى توزعان سۋقويمالاردى جوندەۋدەن وتكىزۋ جانە ت.ب. بويىنشا ناقتى تاپسىرمالار بەردى.ەڭ باستىسى وسى جۇمىستاردى رەتتەپ، ۇيلەستىرەتىن سۋ رەسۋرستارى جانە يرريگاسيا مينيسترلىگى قۇرىلاتىن بولدى.
اۋىل» پارتياسى ەلدىك مۇددەنى نەگىزگە الىپ، ءاربىرىمىزدىڭ وتان الدىنداعى بورىشىمىزدى سەزىنە وتىرىپ، بارشاڭىزدى، مەملەكەت باسشىسىنىڭ جولداۋىن قولداۋعا جانە ونى جۇزەگە اسىرۋدا جۇمىلا ەڭبەكتەنۋگە شاقىرادى.