ەۋروپالىق دەپۋتاتتار قازاقستان ازاماتتارىنا ۆيزالىق رەجيمدى جەڭىلدەتۋ باعىتىندا كونسۋلتاسيانى باستاۋ تۋرالى ۇسىنىستى پىسىقتاۋى مۇمكىن، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر سىرتقى ىستەر مينيسترلىگى قازاقستان ازاماتتتارىنىڭ شەت ەلدەرگە، سونىڭ ىشىندە ەۋروپا وداعى ەلدەرىنە بارۋ ءۇشىن ۆيزالىق رەجيمدى جەڭىلدەتۋ بويىنشا ءتيىستى جۇمىستاردى تۇراقتى تۇردە جالعاستىرىپ كەلەدى. 2023 جىلعى 21-23 تامىزدا قازاقستانعا ەۋروپالىق پارلامەنتتىڭ (ەپ) سىرتقى ىستەر بويىنشا كوميتەتىنىڭ ءتوراعاسى ديەۆيد ماكالليستەر باستاعان ءبىر توپ دەپۋتاتتار دەلەگاسياسىنىڭ ءىسساپارى وتكەنى ءمالىم. اتالعان ساپار بارىسىندا ەۋروپالىق دەپۋتاتتار مەن قازاقستاننىڭ ءبىرقاتار مەملەكەتتىك ورگانى، سونىڭ ىشىندە سىرتقى ىستەر مينيسترلىگىنىڭ رەسمي وكىلدەرى اراسىندا كەلىسسوزدەر بولدى»، - دەلىنگەن مينيسترلىكتىڭ بەرگەن جاۋابىندا
اتالعان جيىندا قازاقستان جاعى ەلىمىزدىڭ ازاماتتارى ءۇشىن وڭتايلاندىرىلعان ۆيزالىق ءتارتىپ ەنگىزۋ بويىنشا رەسمي كونسۋلتاسيالاردى باستاۋدىڭ ماڭىزدىلىعىن اتاپ ءوتىپ، بۇل ۇدەرىس قازاقستاننىڭ ەۋروپا وداعىمەن جاقىنداسۋىنا ىقپال ەتەتىنىن جەتكىزدى.
«كونسۋلتاسيالاردىڭ ناتيجەسىندە ەۋروپالىق دەپۋتاتتار قازاقستان مەن ەو مەملەكەتتەرى ازاماتتارىنىڭ ءوزارا ساپارلاردىڭ ارتۋىنا الىپ كەلەدى دەگەن پىكىرمەن كەلىستى. ءوز كەزەگىندە، قازاقستاننىڭ سىرتقى ىستەر مينيسترلىگى الداعى ۋاقىتتا بۇل باعىتتاعى جۇمىستى جالعاستىرادى»، - دەپ اتالىپ وتكەن ۆەدومستۆو اقپاراتىندا.