ەرتەڭ استاناعا يتاليا رەسپۋبليكاسىنىڭ مينيسترلەر كەڭەسى ءتورعاسىنىڭ ورىنباسارى – سىرتقى ىستەر جانە حالىقارالىق ىنتىماقتاستىق ءمينيسترى انتونيو تاياني كەلەدى، دەپ حابارلايدى Almaty-akshamy.kz.
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆونىڭ ءباسپاسوز-ماسليحاتىندا ايتتى.
«5 قىركۇيەكتە يتاليا رەسپۋبليكاسىنىڭ مينيسترلەر كەڭەسى ءتورعاسىنىڭ ورىنباسارى – سىرتقى ىستەر جانە حالىقارالىق ىنتىماقتاستىق ءمينيسترى انتونيو ءتايانيدىڭ استاناعا رەسمي ساپارى وتەدى. ساپار اياسىندا ونىڭ ق ر پرەمەر-مينيسترى ءاليحان سمايىلوۆپەن كەزدەسۋى جانە پرەمەر-مينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋمەن كەزدەسۋلەرى جوسپارلانعان. ءتۇرلى سالالارداعى ەكىجاقتى قازاقستان-يتاليا ىنتىماقتاستىعىنىڭ وزەكتى ماسەلەرى تالقىلانادى دەپ جوسپارلانىپ وتىر»، - دەدى مينيسترلىك رەسمي وكىلى.