سۋ دوبىنان ازيا چەمپيوناتىندا قازاقستان ەرلەر قۇراماسى ەكىنشى جەڭىسىنە قول جەتكىزدى، دەپ حابارلايدى Almaty-akshamy.kz Olympic.kz-كە سىلتەمە جاساپ.
قۇرلىقتىق دودانىڭ ەكىنشى كەزدەسۋىندە قازاقستاندىق سپورتشىلار ءۇندىستاننان 17:4 ەسەبىمەن باسىم ءتۇستى. ولار بۇدان بۇرىن تايلاندتى 15:4 ەسەبىمەن تىزە بۇكتىرگەن ەدى.
ەندى ەل قۇراماسى 10 قاراشادا - يران، 11 قاراشادا وڭتۇستىك كورەيامەن شەبەرلىك بايقاسادى.
ەلىمىزدىڭ ەرلەر قۇراماسى ازيا چەمپيوناتىندا 2012 جىلى چەمپيون اتانسا، 2009 جىلى كۇمىس، 2015 جىلى قولا مەدال الدى.
سونداي-اق ەلىمىزدىڭ ايەلدەر قۇراماسى بۇگىن، 9 قاراشادا قىتايمەن وينايدى. ولار بۇدان بۇرىن وڭتۇستىك كورەيانى 25:5 ەسەبىمەن جەڭگەن بولاتىن.
قۇرلىقتىق دودا الەم چەمپيوناتىنا ىرىكتەۋ ساتىسى بولماق. الەم چەمپيوناتى 2023 جىلدىڭ 14-30 شىلدە ارالىعىندا جاپونيانىڭ فۋكۋوكە قالاسىندا وتەدى.
سۋ دوبىنان ازيا چەمپيوناتى: قازاقستاندىقتار ەكىنشى جەڭىسىنە قول جەتكىزدى
- اۆتور Almaty-akshamy
- 16:00، 09 قاراشا 2022
سۋرەت: Olympic.kz