وقيعا اتىراۋدا ورىن العان
اتىراۋدا ءمۇعالىمدى يتەرىپ جىبەرىپ جاراقاتتاعان وقۋشىنىڭ اناسىنا ايىپپۇل سالىندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
اتىراۋ وبلىسىنىڭ كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىندا كامەلەتكە تولماعان بالا تاربيەسى بويىنشا مىندەتتەردى ورىنداماعان اناعا قاتىستى ءىس قارالدى.
«بيىلعى 11 قازاندا ساعات 12:30 شاماسىندا ب.-نىڭ كامەلەتكە تولماعان بالاسى، 7-سىنىپ وقۋشىسى ا. تاريح ءپانى ساباعىندا مۇعالىمگە كۇش قولدانعان. سالدارىنان ءمۇعالىم جەڭىل دەنە جاراقاتىن العان. ءجاسوسپىرىمنىڭ زاڭدى وكىلىنىڭ كىناسى سوت وتىرىسىندا زەرتتەلگەن ءىس ماتەريالدارىمەن، اتاپ ايتقاندا، اكىمشىلىك قۇقىق بۇزۋشىلىق تۋرالى حاتتامامەن، كۋالاردىڭ ايعاقتارىمەن، سوت-مەديسينالىق ساراپتاما قورىتىندىسىمەن تولىق دالەلدەندى»، - دەپ حابارلادى كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتىنەن.
سوت اتالعان ىسكە قاتىستى اكىمشىلىك جازا تاعايىنداۋ بارىسىندا قۇقىق بۇزۋشىنىڭ جاۋاپتىلىعىن جەڭىلدەتەتىن ءمان-جاي رەتىندە ونىڭ كامەلەتكە تولماعان بالاسىنىڭ بار ەكەنىن، كىنانى مويىنداعانىن ەسكەردى. جازانى اۋىرلاتاتىن جايعدايلار انىقتالعان جوق.
«ق ر اكىمشىلىك قۇقىقبۇزۋشىلىق تۋرالى كودەكسىنىڭ 127-بابى 1-بولىگىنىڭ سانكسياسىندا 10 اەك مولشەرىندە ايىپپۇل تۇرىندەگى جازا كوزدەلگەن. كىنانى مويىنداعان جاعدايدا سوت اكىمشىلىك ايىپپۇل سوماسىن 30% تومەندەتە الادى.
سوت قاۋلىسىمەن كامەلەتكە تولماعان ا.-نىڭ اناسى ب. اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلىپ، وعان 21 441 تەڭگە مولشەرىندە ايىپپۇل تۇرىندەگى اكىمشىلىك جازا قولدانىلدى. بۇل اتالعان باپتىڭ سانكياسىندا كوزدەلگەن ايىپپۇل سوماسىنىڭ 30% قۇرايدى»، - دەپ ءمالىم ەتتى سوتتىڭ باسپا ءسوز قىزمەتىنەن.
سوت قاۋلىسى زاڭدى كۇشىنە ەنگەن جوق.