بيىلعى 1 اقپاننان باستاپ بۇرىن بەكىتىلگەن تاريفتەردىڭ قولدانىلۋ مەرزىمىنىڭ اياقتالۋىنا بايلانىستى، تابيعي مانوپوليانى رەتتەۋ كوميتەتىنىڭ الماتى قالاسى بويىنشا دەپارتامەنتى 2025-2029 جىلدارعا ارنالعان بەس جىلدىق كەزەڭىنە سۋمەن جابدىقتاۋ جانە سۋ بۇرۋ قىزمەتتەرىنە تاريفتەردى بەكىتتى. اتالعان دەپارتامەنت باسشىسى اسەل بودەنەيەۆا قالا تۇرعىندارى ءۇشىن وسى وزەكتى ماسەلەنىڭ ءمان-جايىن ب ا ق وكىلدەرىنە ءمالىم ەتتى.
دەپارتامەنت باسشىسىنىڭ ايتۋىنشا، قالا تۇرعىندارى ءۇشىن سۋمەن جابدىقتاۋدىڭ ورتاشا ءتاريفى تەكشە مەترىنە – 135،24 تەڭگە (ققس-سىز)، سۋ بۇرۋدا – 83،54 تەڭگە (ققس-سىز) قۇرايتىنىن اتاپ ايتتى. البەتتە، بۇل تاريف بۇرىنعى بەكىتىلگەنىنەن تيىسىنشە 9،6 پايىز جانە 27،5 پايىزعا ارتىق. بۇعان قوسا، 3-كە، 3-تەن 5-كە، 5-تەن 10-عا دەيىن جانە 10 تەكشە مەتردەن استام سۋدى تۇتىنۋ كولەمىنە بايلانىستى دا سارالانعان تاريفتەر بەكىتىلدى.
«مۇنداي وزگەرىسكە نە اسەر ەتتى؟» دەگەن ساۋالعا جاۋاپ بەرە كەتەلىك. بىرىنشىدەن، سۋ ەسەپتەۋ اسپابىنسىز تۇتىنۋشىلار ءۇشىن تولەماقى كولەمىن بەلگىلەۋگە الماتى قالاسى اكىمىنىڭ 2024 جىلعى قاۋلىسىمەن بەكىتىلگەن سۋ تۇتىنۋ نورماسىنىڭ وزگەرۋى اسەر ەتتى. مۇندا ورتاشا تۇتىنۋ نورماسى 8،4-تەن 15 تەكشە مەترگە دەيىن ۇلعايتىلعان-دى. ايتا كەتەرلىگى، جەرگىلىكتى اتقارۋشى ورگاننىڭ سۋ تۇتىنۋدىڭ سوڭعى نورماسى 1989 جىلى بەكىتىلگەن بولاتىن. شىنى كەرەك، 1 تەكشە مەتردە 1 000 ليتر سۋ بار. ولاي بولسا، وسىنشا كولەمدى اۋىز سۋعا 151 تەڭگە تولەۋ دەگەن نە تۇرادى؟ دۇكەندەگى بوتەلكەدەگى 1 ليتر سۋىڭ 232 تەڭگە ەمەس پە»، – دەيدى تابيعي مانوپوليانى رەتتەۋ كوميتەتى الماتى قالاسى بويىنشا دەپارتامەنتىنىڭ باسشىسى ءا. بودەنەيەۆا.
تۇرمىستىق قاجەتتىلىككە ساي، رەسۋرستىق اۋىز سۋدى قوسىمشا پايدالاناتىن تۇتىنۋ مادەنيەتى جوق جەكە تۇتىنۋشىلار بار. وسىلايشا، تۇتىنۋشىلاردىڭ كوپپاتەرلى تۇرعىن ۇيدە تۇراتىنى، سونداي-اق ەسەپكە الۋ اسپابى بارىن ەسكەرىلمەك. اتالعان ساناتتاعى تۇتىنۋشىلار ءتاريفتىڭ وزگەرۋىن اسا سەزبەيتىن سياقتى. بۇل جاعداي جەكە سەكتوردا تۇراتىن تۇتىنۋشىلارعا كوبىرەك اسەر ەتەتىنى انىق. ويتكەنى، ولار سۋدى ۆانناعا، اۆتوكولىگىن جۋۋعا، اۋلاسىنا سەبۋگە، باۋ-باقشاسىن سۋارۋعا قوسىمشا كوبىرەك پايدالانادى.
اقشانى ۇنەمدەۋ ماقساتىندا تۇتىنۋشىلار ەسەپكە الۋ اسپابىن ورناتىپ، پاتەر مەن ۇيلەردە ناقتى تۇراتىنداردىڭ سانىن ناقتىلاۋ پىسىقتالۋى قاجەت. تاعى ءبىر نيۋانس – بۇل ناقتى دەرەكتى بەرۋ. تۇتىنۋشى ەسەپكە الۋ اسپابىنىڭ كورسەتكىشىن بەرۋگە مىندەتتى. سونىمەن بىرگە، كورسەتكىشتى الۋدا ەسەپكە الۋ اسپابىنا قول جەتكىزۋگە مىندەتتى. بۇل رەتتە، تولەم قۇجاتىندا ەسەپتەۋدى ۇزدىكسىز اي سايىن بەرۋ ءۇشىن ەسەپكە الۋ اسپابىنىڭ ناقتى كورسەتكىشى بولماعان رەتتە ەسەپتەۋ ورتاشا تاۋلىكتىك شىعىسپەن جۇرگىزىلەدى.
ءۇش ايدا ءبىر رەت ءونىم بەرۋشى تۇتىنۋشىنىڭ ەسەپكە الۋ اسپابىنان كورسەتكىشتى الۋىنىڭ دۇرىستىعىن تەكسەرگەن كەزدە ەسەپتەۋ سوماسىن تۇزەتۋ ورىندالادى. تۇرعىندارعا ىڭعايلى بولۋ ءۇشىن سۋىق سۋ ەسەپتەگىشىنىڭ كورسەتكىشىن وزدىگىنەن جىبەرۋدىڭ بىرنەشە ءادىسى بار. سونىمەن قاتار، قىزمەتتى جەتكىزۋشىلەردىڭ قۇقىعى بۇزىلعان نە دۇرىس ەسەپتەلمەگەنى جونىندە دالەل بولعان جاعدايدا تۇتىنۋشى دەپارتامەنتكە جۇگىنۋگە قۇقىلى. دەپارتامەنت ءوز كەزەگىندە دەن قويۋ شاراسىن قولدانادى.