قورعانىس ۆەدومستۆوسىنىڭ باسشىسى گەنەرال-پولكوۆنيك رۋسلان جاقسىلىقوۆ بىرىككەن اراب امىرلىكتەرىندەگى ارنايى ماقساتتاعى بولىمشەلەر جارىستارىنا العاش رەت قاتىسقان ارنايى وپەراسيالار كۇشتەرىنىڭ اسكەري قىزمەتشىلەرىن قۇتتىقتادى.
ول مۇنداي جارىس اسكەريلەردىڭ جاۋىنگەرلىك قابىلەتىن ارتتىرۋعا، تاجىريبە الماسۋعا جانە ەلدەر اراسىنداعى قاۋىپسىزدىك سالاسىنداعى ءوزارا ءىس-قيمىلدى نىعايتۋعا ىقپال ەتەتىنىن اتاپ ءوتتى.
– ارنايى وپەراسيالار كۇشتەرىنىڭ "جاۋباسار" كومانداسى العاش رەت ەليتالىق بولىمشەلەردىڭ جارىستارىنا قاتىستى. جارىس باعدارلاماسى ارنايى پوليسيا كۇشتەرىنە ارنالعان. دەگەنمەن، جاقسى ناتيجە كورسەتتىڭدەر. الدا يوردانياداعى اسكەري ارنايى ماقساتتاعى بولىمشەلەردىڭ جانە ۇلىبريتانياداعى "كەمبريي ءپاترۋلى" جارىستارى وتەدى. ولاردىڭ ناتيجەلەرىنەن سەندەردىڭ كاسىبي دايارلىقتارىڭدى كورە الامىز، – دەدى گەنەرال-پولكوۆنيك ر. جاقسىلىقوۆ.
حالىقارالىق جارىستاردىڭ قورىتىندىسى بويىنشا ەرەكشە كوزگە تۇسكەن اسكەري قىزمەتشىلەر مەرزىمىنەن بۇرىن اسكەري اتاعىن الدى. سونىمەن قاتار، ءبىرقاتار وفيسەرلەرگە قورعانىس ءمينيسترى "ەل قورعانى" مەدالىن، ارنايى وپەراسيالار كۇشتەرىنىڭ بەلگىسىن جانە العىس حاتتاردى تابىس ەتتى.
ەستەرىڭىزگە سالا كەتسەك، دۋبايدا وتكەن UAE SWAT Challenge-2025 جارىسى الەمنىڭ 80-نەن استام ەلىنەن 106 كوماندانىڭ باسىن قوستى. سايىسقا ەلىمىزدىڭ كۇش قۇرىلىمدارىنىڭ 12 كومانداسى قاتىستى.