ءال-فارابي اتىنداعى قازاق ۇلتتىق ۋنيۆەرسيتەتى الدىن الا ىشكى تەكسەرۋ جۇرگىزگەنى حابارلاندى.
قازۇۋ قۇقىقتىق جانە قۇجاتتامالىق قامتاماسىز ەتۋ دەپارتامەنتىندە جوو ستۋدەنتتەرىنىڭ دەربەس دەرەكتەرىنىڭ الەۋمەتتىك جەلىدە تاراپ كەتۋىنە قاتىستى تۇسىنىك بەردى، دەپ حابارلايدى اlmaty-akshamy.kz.
«6 اقپاندا ۋنيۆەرسيتەتكە مەديسينالىق قىزمەت كورسەتەتىن Smart Health University City ج ش س مەدبيكەسى Whatsapp مەسسەندجەرى ارقىلى فليۋوروگرافيالىق زەرتتەۋدەن ءوتۋىن قامتاماسىز ەتۋ ءۇشىن مەحانيكا-ماتەماتيكا فاكۋلتەتىنىڭ 3-4 كۋرس ستۋدەنتتەرىنىڭ ءتىزىمى بار Excell فورماتىنداعى قۇجاتتاردى وسى فاكۋلتەت دەكاناتىنىڭ مامانى ج.سماعۇلوۆاعا جىبەرگەن»، - دەپ حابارلادى جوو دەپارتامەنتى.
الايدا، Whatsapp ارقىلى جىبەرىلگەن قۇجاتتاردا ستۋدەنتتەردىڭ تەگى مەن اتى-جونىنەن باسقا، مەديسينالىق قۇپياعا جاتاتىن مالىمەتتەر دە بولعان.
«كەيىننەن مەسسەندجەرلەرگە ارقىلى ۋنيۆەرسيتەت ستۋدەنتتەرىنە قاتىستى دارىگەرلىك قۇپيا بولىپ تابىلاتىن دەربەس دەرەكتەر مەن مالىمەتتەر تاراپ كەتكەن. وسى فاكت بويىنشا 14 اقپاندا ۋنيۆەرسيتەتتە قىزمەتتىك تەكسەرۋ باستالدى جانە الماتى پروكۋراتۋراسىنا وسى فاكت بويىنشا پروكۋرورلىق قاداعالاۋ شاراسىن قابىلداپ، ستۋدەنتتەردىڭ قۇقىقتارىن قورعاۋدى قامتاماسىز ەتۋدى سۇراپ ءوتىنىش جولداندى»، - دەپ حابارلادى ۋنيۆەرسيتەتتە.
ءقازىر قازۇۋ Smart Health University City جشس-مەن شارتتى بۇزۋ تۋرالى ماسەلەنى قاراستىرۋدا.