الماتىدا «توسقاۋىل» ءىس-شاراسى ءجۇرىپ جاتىر

الماتىدا ەسىرتكىنىڭ زاڭسىز اينالىمىنا قاتىستى 12 قىلمىس اشىلدى

قالادا ەسىرتكىگە قارسى قۇقىق بۇزۋشىلىقتىڭ الدىن الۋ جانە انىقتاۋ بويىنشا قابىلدانىپ جاتقان شارالاردىڭ تيىمدىلىگىن ارتتىرۋ ماقساتىندا “توسقاۋىل” رەسپۋبليكالىق جەدەل-پروفيلاكتيكالىق ءىس-شاراسى وتكىزىلدى. ءىس-شارا كەزەڭىندە ەسىرتكىنىڭ زاڭسىز اينالىمىنا قاتىستى 12 قىلمىس اشىلدى. 8 كەلىدەن استام ەسىرتكى تاركىلەندى، ونىڭ 7 كەلىدەن استامى – سينتەتيكا.

– ارنايى ءىس-شارا ناتيجەسىندە 31 جاستاعى ازامات ۇستالىپ، ودان اسا ءىرى كولەمدە ەسىرتكى زاتتارى، اتاپ ايتقاندا 500 گرامنان استام كوكاين، 400 گرامم مدما ەسىرتكىسى جانە 31 گراممنان استام مەفەدرون تابىلىپ، تاركىلەندى. كۇدىكتى قاماۋعا الىندى. سونىمەن قاتار ءىس-شارا كەزەڭىندە ەسىرتكى زەرتحاناسى جويىلدى، وندا جالپى سالماعى 1 كەلىدەن اساتىن ساتۋعا دايىن تۇرعان “مەفەدرون” ونىمدەرى تابىلدى. زەرتحانالىق قۇرال-جابدىقتار مەن سينتەتيكالىق ەسىرتكى وندىرۋگە ارنالعان ءتۇرلى پرەكۋرسورلار تاركىلەنىپ، قىلمىستىق ءىس ماتەريالدارىنا قوسىلدى، – دەدى، الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.