مامىر ايىندا ول كەزەكتى جەكپە-جەگىن وتكىزەدى
كاسىپقوي بوكستان سۋپەر ورتا سالماقتا الەمنىڭ ءابسوليۋتتى چەمپيونى مەكسيكالىق ساۋل «كانەلو» الۆارەس (60-2-2) كەلەسى جەكپە-جەگىنە قاتىستى ماڭىزدى مالىمدەمە جاسادى، دەپ حابارلايدى اlmaty-akshamy.kz.
بۇعان دەيىن مەكسيكالىق بوكسشى ءوز جەرلەسى حايمە مۋنگيامەن (43-0) جۇدىرىقتاسادى دەگەن بولجام ايتىلعان بولاتىن. الايدا، الۆارەستىڭ ءوزى بۇل جورامالدى جوققا شىعاردى. ول كەلەسى جەكپە-جەگى امەريكالىق بوكسشىمەن بولاتىنىن ايتىپ وتىر.
ينسايدەرلەر الۆارەستىڭ كەلەسى قارسىلاسى دجەرمالل چارلو (33-0) بولاتىنىن جازۋدا. دەگەنمەن، «كانەلو» كومانداسى قارسىلاستىڭ ءاتى-جونىن ايتپادى.
ەسكە سالايىق، چارلونى قازاق بوكسشىسى جانىبەك ءالىمحان ۇلى دا جەكپە-جەككە شاقىرىپ ءجۇر. الايدا، امەريكالىق بوكسشى بۇل شاقىرتۋعا جاۋاپ قاتقان جوق.