ساياسات نۇربەك الماتىدا جوعارى وقۋ ورىندارىنىڭ رەكتورلارىمەن جاتاقحانا ماسەلەلەرى بويىنشا جينالىس وتكىزدى، Almaty-akshamy.kz
بۇگىن جۇمىس ساپارى اياسىندا ق ر عىلىم جانە جوعارى ءبىلىم ءمينيسترى ساياسات نۇربەك الماتىنىڭ جەتەكشى ۋنيۆەرسيتەتتەرىنىڭ رەكتورلارىمەن جانە ينۆەستورلارمەن كەزدەسۋ وتكىزدى. كەزدەسۋگە ورتالىق جانە جەرگىلىكتى مەملەكەتتىك ورگانداردىڭ باسشىلارى، «قارجى ورتالىعى» اق جانە جوبالىق كەڭسەنىڭ وكىلدەرى قاتىستى.
كەزدەسۋدە جوعارى وقۋ ورىندارىن جاڭا وقۋ جىلىنا دايىندىعى جانە ستۋدەنتتەردى باسپانامەن قامتاماسىز ەتۋگە بايلانىستى ماسەلەلەرى تالقىلاندى. ستۋدەنتتىك جاتاقحانالاردا ورىن تاپشىلىعى ماسەلەسىن شەشۋگە، قولدانىستاعى جاتاقحانالاردى جاڭعىرتۋعا جانە ستۋدەنتتەردىڭ جايلىلىعىن ارتتىرۋ ءۇشىن جاڭا تەحنولوگيالاردى ەنگىزۋگە ەرەكشە نازار اۋدارىلدى. سونداي-اق، جاڭا ستۋدەنتتىك جاتاقحانالاردىڭ قۇرىلىسىنداعى پروگرەسس قاراستىرىلىپ، الماتىدا ستۋدەنتتىك جاتاقحانالاردىڭ قۇرىلىسى بويىنشا جوبالاردى ىسكە اسىرۋمەن اينالىساتىن جوبالىق كەڭسەنىڭ جۇمىسى تۋرالى اقپارات ۇسىنىلدى.
ساياسات نۇربەك ستۋدەنتتەر ءۇشىن جايلى ءومىر ءسۇرۋ جاعدايلارىن جاساۋدىڭ ماڭىزدىلىعىن جانە ورىن تاپشىلىعى ماسەلەسىن شەشۋدىڭ وزەكتىلىگىن اتاپ ءوتتى. بۇل ماسەلە الماتىداعى ۇكىمەت پەن جوعارى وقۋ ورىندارى ءۇشىن باسىمدىق بولىپ تانىلدى. مينيستر ستۋدەنتتىك جاتاقحانالاردى سالۋ جانە جاڭعىرتۋ بويىنشا جوبالاردى ىسكە اسىرۋ، سونداي-اق ءوسىپ كەلە جاتقان سۇرانىستى ەسكەرە وتىرىپ، جاتاقحانالاردى دامىتۋدى وڭتايلى جوسپارلاۋ ءۇشىن ۋنيۆەرسيتەتتەرمەن بەلسەندى ارىپتەستىك قاجەتتىگىن ايتتى.
«كورىپ وتىرعانىمىزداي، بۇگىنگى تاڭدا الماتى جوعارى وقۋ ورىندارىندا وقۋعا نيەت بىلدىرۋشىلەر كوبەيىپ كەلەدى. الماتى قالاسىنداعى جوعارى وقۋ ورىندارىنىڭ دەرەكتەرى بويىنشا قاجەتتىلىككە بولجاۋ جاسالدى، 32 718 توسەك-ورىن قاجەت ەكەن. بۇل جاڭا قابىلداۋدى ەسەپكە الماعانداعى بولجام. وسىعان بايلانىستى وتكەن جىلعى تاجىريبەنى جانە وسى ماسەلە بويىنشا تاۋەكەلدەردى ەسكەرە وتىرىپ، جان-جاقتى شارالار قابىلداۋ قاجەت. جوعارى وقۋ ورىندارىنىڭ باسشىلارىنا 15 تامىزعا دەيىن بارلىق جوسپارلانعان جوندەۋ جۇمىستارىن اياقتاۋدى، سونداي-اق كورپۋستاردا، جاتاقحانالاردا، اسحانالاردا جانە سانيتاريالىق توراپتاردا تولىق دەزينفەكسيالاۋ جۇمىستارىن جۇرگىزۋدى تاپسىرامىن»، - دەدى مينيستر.
كەزدەسۋگە قاتىسۋشىلار جوو-لاردىڭ ستۋدەنتتىك جاتاقحانالارىنىڭ قۇرىلىسى بەلسەندى تۇردە جالعاسىپ جاتقانىن جانە قازىرگى ۋاقىتتا جاتاقحانالارداعى ورىن تاپشىلىعىن جويۋ ماقساتىندا ينۆەستورلارمەن كەلىسسوزدەر جۇرگىزىلىپ جاتقانىن اتاپ ءوتتى.
كەزدەسۋ سوڭىندا ق ر عجبم قالالىق اكىمدىك، ۋنيۆەرسيتەتتەر جانە باسقا دا مۇددەلى تاراپتار اراسىندا جوو جاتاقحانالارىنداعى ورىنداردىڭ جەتىسپەۋشىلىگى ماسەلەسىن ويداعىداي شەشۋ جانە ستۋدەنتتەر ءۇشىن جايلى ءومىر ءسۇرۋ جاعدايلارىن جاساۋ ءۇشىن ودان ءارى تىعىز ىنتىماقتاستىق قاجەتتىگى اتاپ ءوتىلدى.
ارى قاراي مينيستر ساياسات نۇربەك اباي ۋنيۆەرسيتەتىنە باردى. كەزدەسۋ بارىسىندا رەكتور دارحان ءبىلالوۆ ۋنيۆەرسيتەت ينفراقۇرىلىمىن دامىتۋ تۇجىرىمداماسى تۋرالى تولىق اقپارات بەرىپ، «EdSmart Premium LED Doska» ينتەراكتيۆتى بەينەجازباسىنىڭ مۋلتيمەديالىق ستۋدياسى مەن KazDual وبسەرۆاتورياسىنىڭ جۇمىسىن كورسەتتى. ەكى نىسان دا وزىق تەحنولوگيالارمەن جابدىقتالعان جانە وقۋ پروسەسىندە بەلسەندى قولدانىلادى.
سونىمەن قاتار مينيستر ۋنيۆەرسيتەتتىڭ قابىلداۋ كوميسسياسىندا بولىپ، ونەر، مادەنيەت جانە سپورت ينستيتۋتىندا شىعارماشىلىق ەمتيحانداردىڭ وتكىزىلۋىمەن جانە جۇمىس بارىسىمەن تانىستى. س. نۇربەكتىڭ ايتۋىنشا، جوعارى وقۋ ورىندارىنىڭ ءبىلىمى مەن دامۋىنا قۇيىلعان نۆەستيسيالار قازاقستان ۇكىمەتى ءۇشىن باسىمدىق بولىپ تابىلادى. ول Abai University دامۋ جوسپارلارىن ىسكە اسىرۋدى قولداپ، ونىڭ ودان ءارى قاراي وسۋىنە ىقپال ەتەتىنىن مالىمدەدى.