الماتىلىق دارىگەرلەر جول اپاتىنان اۋىر جاراقات العان ءجاسوسپىرىمدى اجالدان اراشالاپ قالدى، دەپ حابارلايدى Almaty-akshamy.kz.
ەمدەۋ مەكەمەلەرىنىڭ مالىمەتىنشە، جول-كولىك وقيعاسىنان كامەلەتكە تولماعان موپەد جۇرگىزۋشىسى اۋىر جاراقات العان. جەدەل جاردەم بريگاداسى ءجاسوسپىرىمدى وقيعا ورنىنان №4 قالالىق كلينيكالىق اۋرۋحانانىڭ قابىلداۋ بولىمىنە جەتكىزگەن. ناۋقاس دەرەۋ جانساقتاۋ بولىمىنە جاتقىزىلدى. وعان شوكقا قارسى تەراپيا جۇرگىزىلدى، №2 بالالار كلينيكالىق اۋرۋحاناسىنىڭ پەدياتر جانە تار بەيىندى ماماندارى شاقىرىلىپ، كونسيليۋم وتكىزىلدى.
ناۋقاسقا جابىق باس سۇيەك-مي جاراقاتى، ميدىڭ اۋىر جاراقاتى، تومەنگى جاق سۇيەگىنىڭ سىنۋى، جابىق كەۋدە جاراقاتى، سول جاق وكپەنىڭ سوعىلۋى، وڭ جاق 1-قابىرعانىڭ سىنۋى، سول جاق بۇعانا سۇيەگىنىڭ جابىق سىنۋى، ەكى جامباس سۇيەگىنىڭ ورتاڭعى ۇشتەن ءبىر بولىگىنىڭ سىنىقتارىنىڭ ىعىسۋىمەن جابىق سىنۋ دياگنوزى قويىلدى.
№4 قالالىق كلينيكالىق اۋرۋحانانىڭ انەستەزيولوگيا، رەانيماسيا جانە قارقىندى تەراپيا ءبولىمىنىڭ دارىگەرلەرى ءجاسوسپىرىمنىڭ ءومىرى ءۇشىن 10 كۇن كۇرەستى. ونىڭ جاعدايى تۇراقتالعاننان كەيىن اكىمشىلىكتىڭ كەلىسىمىمەن ناۋقاس №2 بالالار كلينيكالىق اۋرۋحاناسىنا اۋىستىرىلدى. مۇندا ونى بالالار نەيروحيرۋرگتەرى، ورتوپەد-تراۆماتولوگتار، نيەۆروپاتولوگتەر، كاردي-ريەۆماتولوگتەر، وفتالمولوگتەر تەكسەردى. ەمدىك شارالار كەشەنى جۇرگىزىلدى. ينترامەدۋلليارلىق وستەوسينتەزدى تەجەۋ ارقىلى ىشكى بەكىتۋمەن جامباس سۇيەكتەرىنىڭ فراگمەنتتەرىنىڭ اشىق رەپوزيسياسى وتاسى ءساتتى ورىندالدى.
10 كۇن كومادا جاتقان ءجاسوسپىرىمنىڭ اكەسى موپەدپەن كەلە جاتقان ۇلىن Chevrolet كولىگى قاعىپ كەتكەنىن ايتادى.
«بالامدى اجالدان اراشالاپ قالعان №4 قالالىق اۋرۋحانا ۇجىمىنا جانە №2 بالالار اۋرۋحاناسىنىڭ مەديسينا قىزمەتكەرلەرىنە راحمەت. ۇلىم زەڭبىلمەن جەتكىزىلگەن ەدى، ۇيگە ءوز اياعىمەن شىقتى»، - دەيدى ول.
ناۋقاس جاراقاتتان كەيىنگى وڭالتۋدىڭ ەكى كۋرسىن ستاسيوناردا اياقتاپ، تۇرعىلىقتى جەرىندەگى ەمحانادا امبۋلاتورلىق وڭالتۋدىڭ ءۇشىنشى كۋرسىن ءوتىپ جاتىر.