تالاپكەرلەردىڭ اتا-انالارى ءوز ويلارىن ايتتى.
ءىىم ماقان ەسبولاتوۆ اتىنداعى الماتى اكادەمياسىنا كانديداتتاردى ىرىكتەۋ كەزەڭىنىڭ اياقتالۋىنا از قالدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
ۆەدومستۆالىق جوعارى وقۋ ورنىنا ءتۇسۋ پروسەسى اشىقتىق ءپرينسيپى بويىنشا تالاپكەرلەردىڭ اتا-انالارى مەن جاقىندارىنىڭ، قوعامنىڭ تىكەلەي قاتىسۋىمەن ءوتتى. باستى كونكۋرستىق باعدارلاما اياقتالدى، نورماتيۆتەردى تاپسىرۋدان كەيىن كەلەسى، ياعني اپپەلياسيادان ءوتۋ كەزەڭى باستالدى، سونىڭ اياسىندا اتا-انالارعا كەزەكتى رەت اكادەميا قابىرعاسىندا جينالىپ، وقۋ مەكەمەسىنىڭ باسشىسىمەن كەزدەسۋ مۇمكىن بولدى. وقۋ ورنىنىڭ باستىعى ايدار سايتبەكوۆپەن سويلەسۋ بارىسىندا اتا-انالار قاۋىمى ءوز ەموسيالارىن جاسىرماي، ابيتۋريەنتتىك كامپانيانىڭ جاقسى ۇيىمداستىرىلعانى جانە جۇرگىزىلگەنى تۋرالى جاقسى پىكىر ءبىلدىردى.
«باستاپقىدا قوبالجىپ جۇردىك، شىنى كەرەك، كۇمان بولدى. ءقازىر بولسا، ونىڭ ءبارى سەيىلىپ، تازا، ءادىل وتكەنىنە قۋانىشتىمىز. ءبىزدىڭ ادىلدىك بار ەكەنىن 100 پايىز كوزىمىز جەتتى. ريزامىز! مىڭ العىس! بارلىق شارالارعا قاتىسۋعا رۇقسات بەرگەندەرىڭىزگە ريزامىز، مۇنداي بۇرىن-سوڭدى ەشقايدا بولماعان»، – دەگەن ورتاق باعا بەردى اتا-انالار.
اكادەميا باستىعى جاڭا ەكسپەريمەنتالدى فورماتتاعى تالاپكەرلەرلەردى قابىلداۋ كامپانياسىنىڭ ىشكى ىستەر ءمينيسترى مارات احمەتجانوۆتىڭ قولداۋىمەن جۇزەگە اسىرىلعانىن اتاپ ءوتتى.
«الداعى ۋاقىتتاعى ءبىزدىڭ كاسىبي جانە عىلىمي جەتىستىكتەرىمىزدىڭ مىقتى ىرگەتاسىن قالايتىن ماڭىزدى جانە جاۋاپتى جۇمىستار كەزەڭى باستالدى»، – دەپ ويىن تۇيىندەدى اكادەميا باسشىسى ايدار سايتبەكوۆ.