اتوم ەلەكتر ستانسياسى جاڭا جۇمىس ورىندارىن اشىپ، ستانسيا ورنالاساتىن ايماقتاعى ينفراقۇرىلىمدى دامىتۋعا سەرپىن بەرەدى.
اتوم ەنەرگەتيكاسى ۇزاق مەرزىمدى پەرسپەكتيۆادا ەلەكتر ەنەرگياسىنىڭ باعاسىن تۇراقتى ەتۋگە مۇمكىندىك بەرەدى.
بۇل ونەركاسىپتىڭ دامۋى جانە قازاقستان ەكونوميكاسىنىڭ باسەكەگە قابىلەتتىلىگىن ارتتىرۋ ءۇشىن وتە ماڭىزدى.
بەلگىلى بولعانداي، ەلدىڭ دامۋى ونەركاسىپ پەن ءوندىرىستىڭ ءوسۋىنسىز مۇمكىن ەمەس. ونىڭ ۇستىنە، وندىرىستىك كاسىپورىنداردى ەنەرگيامەن قامتاماسىز ەتۋدەگى تاپشىلىق قازاقستاندا باسەكەگە قابىلەتتى ونەركاسىپتىك تەحنولوگيالاردىڭ دامۋىنا كەرى اسەرىن تيگىزۋى مۇمكىن.
وسىلايشا، اەس سالۋ قازاقستاننىڭ ەنەرگەتيكالىق قاۋىپسىزدىگىن قامتاماسىز ەتۋ ءۇشىن قاجەتتى قادام عانا ەمەس، سونىمەن قاتار ەلدىڭ ەكونوميكالىق جانە الەۋمەتتىك دامۋىنىڭ ماڭىزدى فاكتورى.
بۇل جوبا جاھاندىق تومەن كومىرتەكتى ەكونوميكاعا كوشۋ جاعدايىندا ەلىمىزگە كومەكتەسەدى.
اەس قازاقستاننىڭ قازىرگى ەنەرگەتيكالىق ماسەلەلەرىن شەشىپ، بولاشاقتا تۇراقتى دامۋ ءۇشىن بەرىك نەگىز قالىپتاستىرادى.