2024 جىلعى 6 قىركۇيەكتە ق ر ەنەرگەتيكا ءمينيسترى الماسادام ساتقالييەۆ ش. ءۋاليحانوۆ اتىنداعى كوكشەتاۋ ۋنيۆەرسيتەتىندە ستۋدەنتتەرمەن كەزدەسۋ وتكىزدى. كەزدەسۋگە ا. مىرزاحمەتوۆ ۋنيۆەرسيتەتى، م. عابدۋللين اتىنداعى ازاماتتىق قورعاۋ اكادەمياسى جانە گۋمانيتارلىق-تەحنيكالىق اكادەميانىڭ ستۋدەنتتەرى قاتىستى.
كەزدەسۋ «بەيبىت اتوم» تاقىرىبىنا ارنالدى. مينيستر اتوم ەنەرگەتيكاسىنىڭ قازاقستان ءۇشىن ماڭىزدىلىعىن جانە ونىڭ ەلدىڭ تۇراقتى دامۋى مەن قاۋىپسىزدىگىنە اسەرىن ءتۇسىندىردى. قازىرگى تاڭدا ەلەكتر ەنەرگياسىنىڭ 66%-ى كومىر ستانسيالارىنان وندىرىلەدى، ال جاڭارتىلاتىن ەنەرگيا ۇلەسى 6%-عا جەتكەن. 2035 جىلعا قاراي سۇرانىس 152،4 ملرد كۆت/ساع-قا جەتەدى، ال قازىرگى قۋاتتار جەتكىلىكسىز بولماق. وسى سەبەپتى، 26،5 گۆت جاڭا قۋات كوزدەرىن ىسكە قوسۋ قاجەت.
كومىرتەگى بەيتاراپتىعىنا باعىتتالعان الەمدىك ۇردىستەر جانە گاز گەنەراسياسىن دامىتۋدىڭ شەكتەۋلەرى جاعدايىندا، اەس قۇرىلىسى قازاقستاننىڭ ەنەرگەتيكالىق تاۋەلسىزدىگىن قامتاماسىز ەتۋدىڭ ءتيىمدى شەشىمى بولىپ تابىلادى.
مينيستر ستۋدەنتتەرگە يادرولىق رەاكتورلار جانە ولاردىڭ قاۋىپسىزدىگىن قامتاماسىز ەتۋ تۋرالى اقپارات بەرىپ، سۇراقتارعا جاۋاپ بەردى. سونىمەن قاتار، «كوكشەتاۋ ەنەرگو» ج ش س جۇمىسىمەن تانىسىپ، اەس قۇرىلىسىنىڭ ماڭىزدىلىعىن ءتۇسىندىردى.