فۋتبولدان قازاقستان ۇلتتىق قۇراماسىنىڭ باس باپكەرى ستانيسلاۆ چەرچەسوۆ قىزمەتىنەن كەتەتىنى بەلگىلى بولدى.
«بۇل شەشىم جاڭا باسشىلىقتىڭ باستاماسىمەن قابىلداندى. قۇراماعا جاڭا باپكەر رەتىندە ەكى جەرگىلىكتى جانە ەكى ەۋروپالىق ماماننىڭ كانديداتۋراسى قاراستىرىلۋدا. قازىرگى ۋاقىتتا زاڭگەرلەر كەلىسىمشارتتى زاڭدى تۇردە توقتاتۋ جولدارىن زەردەلەپ جاتىر»، – دەپ حابارلايدى E.Maulen تەلەگرام-ارناسى.
ستانيسلاۆ چەرچەسوۆ قازاقستان قۇراماسىن 2024 جىلدىڭ شىلدە ايىندا باسقارعان بولاتىن. ونىڭ كەلىسىمشارتى 2026 جىلعى الەم چەمپيوناتىنىڭ ىرىكتەۋ كەزەڭىنىڭ سوڭىنا دەيىن جاسالعان.
چەرچەسوۆتىڭ جەتەكشىلىگىمەن قازاقستان قۇراماسى سەگىز رەسمي ويىننىڭ جەتىدە جەڭىلىپ، بىرەۋىندە تەڭ ءتۇستى. كوماندا اۆستريا، نورۆەگيا جانە سلوۆەنيا قۇرامالارىمەن ءبىر توپتا ونەر كورسەتكەن ۇلتتار ليگاسىندا سوڭعى ورىن الدى.