بۇل تۋرالى ق ر كولىك مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى aqshamnews.kz.
چيكاگو كونۆەنسياسىنىڭ 13-قوسىمشاسىنا سايكەس، تەرگەۋ جۇرگىزىپ جاتقان مەملەكەت بورتتىق جازبا قۇرىلعىلاردىڭ (قارا جاشىكتەردىڭ) دەرەكتەرىن وقۋ مەن شيفرىن اشۋدى قامتاماسىز ەتەدى جانە بۇل ءۇشىن ەلدى تاڭداۋدى ءوزى شەشەدى.
قازاقستان بۇل كونۆەنسيانى 1992 جىلى راتيفيكاسيالاپ، حالىقارالىق ازاماتتىق اۆياسيا ۇيىمىنىڭ (يكاو) مۇشەسى بولىپ تابىلادى.
يكاو ۇسىنىمدارى مەن ءازىربايجان جانە رەسەي اۆياسيالىق بيلىكتەرىمەن جۇرگىزىلگەن كونسۋلتاسيالاردى ەسكەرە وتىرىپ، ق ر كولىك ءمينيسترى مارات قارابايەۆ باسقاراتىن اۆياسيالىق وقيعانى تەرگەۋ كوميسسياسى بورتتىق جازبا قۇرىلعىلاردى برازيليانىڭ اۆياسيالىق وقيعالاردى زەرتتەۋ جانە الدىن الۋ ورتالىعىنا (CENIPA) جىبەرۋ تۋرالى شەشىم قابىلدادى. بۇل ورتالىق Embraer ۇشاعىنىڭ ءوندىرۋشى ەلى بولىپ تابىلادى.
CENIPA قارا جاشىكتەردىڭ دەرەكتەرىن وقۋ ءۇشىن قاجەتتى تەحنيكالىق مۇمكىندىكتەرگە يە، زاماناۋي جابدىقتارمەن جانە سەرتيفيكاتتالعان زەرتحانامەن قامتاماسىز ەتىلگەن.
بۇل ماسەلە مەملەكەت باسشىسىنىڭ جەكە باقىلاۋىندا.