300 جىلدىق تاريحى بار بازار.
كوپتەگەن تۋريستەر ءۇشىن تۇركيا - تاپتىرماس شوپينگ الەمى. اسىرەسە، تۇرىكتىڭ تاريحي بازارلارى ەڭ قىزىقتى، ءارى ەرەكشە زاتتاردى ساتىپ الاتىن جەرلەر بولىپ تابىلادى.
ستامبۇلداعى اراستا بازارى - تاريحي ساۋدا ورىنداردىڭ ءبىرى، كوشەدەگى ۋ-شۋدان شارشاساڭىز، وسىندا كەلىپ دەمالىپ ەرەكشە زاتتاردى ساتىپ الۋعا بولادى.
اراستا بازارى - ستامبۋلداعى ەڭ كونە بازارلاردىڭ ءبىرى. ساۋدا ورنى XVII عاسىردا پايدا بولعان. ارحەولوگتار تاپقان موزايكا بولىكتەرى ءالى كۇنگە دەيىن اياق استىندا جالتىراپ جاتىر.
سۇلتاناحمەت مەشىتىنىڭ الاڭىنا جاقىن ماڭدا ورنالاسقان اراستا بازارىنىڭ تاعى ءبىر اتاۋى – اتتى اسكەرلەر بازارى. وسمان يمپەرياسى كەزىندە اتتى اسكەرلەرگە قاجەتتى زاتتاردى ساتقان بازار بۇگىندە جەرشىلىكتى جانە شەتەلدىك تۋريستەر جاقسى كورەتىن تاريحي مەكەنگە اينالعان. شاعىن بازاردىڭ ىشىندە ءتۇرلى كادەسىيلار، كىلەم، يزنيك قالاسىندا وندىرىلگەن كەراميكالىق زاتتار، ورامال، توسەكورىن جابدىقتارى، كيىم-كەشەك، باسقا دا تەكستيل ونىمدەرى، تۇرىكتىڭ ۇلتتىق تاتتىلەرى مەن دامدەۋىشتەرى ساتىلاتىن 70-تەن استام دۇكەن جۇمىس ىستەپ تۇر.
وسىدان 100 جىلداي ۋاقىت بۇرىن (1912 جىلى) شىققان الاپات ورتتەن بازار ايتارلىقتاي زارداپ شەگىپ، كوپ بولىگى كۇلگە اينالادى. الايدا جەرگىلىكتى بيلىك قالپىنا كەلتىرۋ جۇمىستارى ارقىلى بازاردى پايدالانۋعا بەردى. 1930 جىلدارى ۇيىمداستىرىلعان قازبا جۇمىستارىنىڭ ناتيجەسىندە، بازاردىڭ ۆيزانتيالىقتار داۋىرىنەن قالعان عتمارتتاردىڭ ۇستىنە سالىنعانى انىقتالدى.
ەگەر ستامبۇلعا بارساڭىز، مىندەتتى تۇردە اراستا بازارىن تىزىمىڭىزگە قوسىپ قويىڭىز. تاريحي ماڭىزى بار مەكەننىڭ ەرەكشە اۋراسىن سەزىنىپ، دوس-تۋىستارىڭىزعا ەستەلىككە كادەسىي ساتىپ الىپ، تۇركياداعى ساپارىڭىزدى ۇمىتىلماستاي ەتەدى.