جيىن تاۋەلسىزدىگىمىزدىڭ 30 جىلدىعى اياسىندا ۇيىمداستىرىلعان
ستامبۇلدا جاڭا وقۋ جىلىنىڭ باستالۋىنا وراي تۇركياعا قازاقستاننان ءبىلىم الۋعا كەلگەن ستۋدەنتتەر باس قوستى، دەپ حابارلايدى Almaty-akshamy.kz.
اتالعان جيىن قازاقستاننىڭ ستامبۇلداعى باس كونسۋلدىعىنىڭ ۇيىمداستىرۋىمەن جۇزەگە استى. جۇزدەسۋگە ستامبۇل، بۇرسا مەن ساكاريا قالالارىنداعى ستۋدەنتتەر، باس كونسۋل ءالىم بايەل، باس كونسۋلدىق ديپلوماتتارى قاتىستى.
تاۋەلسىزدىگىمىزدىڭ 30 جىلدىعى شەڭبەرىندە ۇيىمداستىرىلعان جيىندا جاستار قازاق اندەرىن شىرقاپ، ۇلتتىق ويىندار وينادى. تابيعات اياسىندا وتكەن كەزدەسۋدە ستامبۇلدىق ستۋدەنتتەر «بىرلىك» جاستار ۇيىمىن قۇردى. الداعى ۋاقىتتا باس كونسۋلدىق وسى ۇيىممەن بىرگە تاۋەلسىزدىگىمىزدىڭ 30 جىلدىق مەرەيتويىن تۇرىك ەلىندە كەڭىنەن اتاپ وتپەك.
ءوز كەزەگىندە قازاقستان ەلشىلىگى، ق ر ستامبۇل باس كونسۋلدىعى جانە ق ر انتاليا كونسۋلدىعى پاندەميادان كەيىن تۇركياعا قايتا وقۋعا كەلگەن جاستارمەن بىرلەسە وتىرىپ، ءتۇرلى جوبا مەن باعدارلاما ۇيىمداستىرۋدى جوسپارلاپ وتىر.