سولتۇستىك قازاقستان وبلىسىندا "چيستوپولە – شوپتىكول" اۆتوجولىندا ەكى پوليسەي قىزمەتتىك مىندەتىن اتقارۋ كەزىندە جول اپاتىنان كوز جۇمدى، دەپ حابارلايدى Aqshamnews.kz وبلىستىق پوليسيا دەپارتامەنتىنە سىلتەمە جاساپ.
ۆەدومستۆونىڭ مالىمەتىنشە، Chevrolet Cobalt پەن Toyota Camry كولىكتەرى سوقتىعىسىپ، ەكى جۇرگىزۋشى وقيعا ورنىندا قازا تاپقان. مارقۇمداردىڭ ەكەۋى دە ىشكى ىستەر ورگاندارىنىڭ قىزمەتكەرلەرى بولعان.
«اپاتتىڭ ءمان-جايى مەن سەبەبىن انىقتاۋ ءۇشىن سوتقا دەيىنگى تەرگەۋ باستالدى. پوليسيا دەپارتامەنتى قازا بولعانداردىڭ تۋىستارى مەن جاقىندارىنا قايعىرا كوڭىل ايتادى»، – دەلىنگەن حابارلامادا.
ىشكى ىستەر ءمينيسترى ەرجان سادەنوۆ Instagram پاراقشاسىندا مارقۇمداردىڭ وتباسىنا كوڭىل ايتىپ، مينيسترلىك تاراپىنان بارلىق قاجەتتى كومەك كورسەتىلەتىنىن مالىمدەدى.
«قىزمەتتىك مىندەتىن اتقارۋ بارىسىندا جول اپاتىنان قازا تاپقان پوليسيا مايورى ۆلاديمير سينيسىن مەن پوليسيا اعا لەيتەنانتى داۋلەتحان قازىحاننىڭ تۋعان-تۋىستارىنا قايعىرا كوڭىل ايتامىن. (…) بورىشىن وتەۋ جولىندا ءومىرىن قيعان ءاربىر قىزمەتكەردىڭ ەسىمى ىشكى ىستەر ورگاندارىنىڭ جادىندا ساقتالادى»، – دەپ جازدى مينيستر.