اقتاۋداعى Caspi Bitum ج ش س مۇناي وڭدەۋ زاۋىتىندا ءورت شىقتى، دەپ حابارلايدى Aqshamnews.kz "قازمۇنايگاز" ۇلتتىق كومپانياسىنىڭ باسپا ءسوز قىزمەتىنە سىلتەمە جاساپ.
ۆەدومستۆو مالىمەتىنشە، وقيعا 6 قىركۇيەكتە تاڭەرتەڭ بولعان. ساعات 08:05-تە زاۋىتتاعى اتموسفەرالىق كولونناعا باراتىن قۇبىردان ءورت تۇتانعان.
"ءورت وشاعى 08:32-دە زاۋىتتىڭ ستاسيونارلىق ءورت ءسوندىرۋ جۇيەسى ارقىلى ءسوندىرىلدى. سونىمەن قاتار "سەمسەر-ورت ءسوندىرۋشى" ج ش س جانە قالالىق تجد ءورت ءسوندىرۋ قىزمەتى دە وقيعا ورنىنا جۇمىلدىرىلدى"، – دەلىنگەن حابارلامادا.
كومپانيانىڭ مالىمەتىنشە، ءورت سالدارىنان زارداپ شەككەندەر مەن ماتەريالدىق شىعىن جوق.