11 قازانعا قاراعان ءتۇنى “نۇر-سۇلتان – پەتروپاۆل” اۆتوجولىنىڭ 370ء-شى شاقىرىمىندا تايىنشا اۋدانى كرەمەنچۋگ اۋىلىنىڭ ماڭىندا ءبىر وتار قوي ۆاز 2115 اۆتوكولىگىنىڭ استىنا ءتۇستى، دەپ حابارلايدى almaty-akshamy.kz Polisia.kz. سىلتەمە جاساپ.
كولىك جۇرگىزگەن 36 جاستاعى كوكشەتاۋ قالاسىنىڭ تۇرعىنى اۆتوكولىك شامىنىڭ جارىعىنا كەنەتتەن جانۋارلار اتىپ شىققان ساتتە كولىگىن توقتاتىپ ۇلگەرە الماعانى انىقتالدى. قاقتىعىس سالدارىنان 14 باس مال قىرىلدى. جۇرگىزۋشى زارداپ شەككەن جوق، ماشينا زاقىمدالعان. جانۋارلاردىڭ جولدىڭ ءجۇرىس بولىگىندە بولۋىنا جول بەرگەن يەسىنە قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 615-بابىنىڭ 2-بولىگى بويىنشا حاتتاما تولتىرىلدى.
– وسىنداي جول-كولىك وقيعاسى قىركۇيەك ايىنىڭ سوڭىندا ەسىل اۋدانىنىڭ اۋماعىندا ورىن الدى. پوليسيا قىزمەتكەرلەرى وسىنداي وقيعالارعا اكەپ سوقتىرۋى مۇمكىن ەركىن مال جايۋ فاكتىلەرىنىڭ الدىن الۋ بويىنشا جۇمىستار جۇرگىزۋدە. مال ايداۋشىلارعا دا قىراعىلىق تانىتۋ كەرەك. ولار جول قوزعالىسىنىڭ باسقا قاتىسۋشىلارى ەكەندىگىن ەستەن شىعارماعان ءجون جانە جازىلعان قاعيدالاردى ورىنداۋ قاجەت. مال يەلەرى مەن باقتاشىلاردان جانۋارلاردىڭ جولدا كەنەتتەن پايدا بولۋىنا بايلانىستى اپاتتىق جاعدايلاردى بولدىرماۋ جونىندە شارالار قابىلداۋدى سۇرايمىز. سونداي-اق، مالدى جول بويىمەن ايداپ ءوتۋدى تاۋلىكتىڭ جارىق ۋاقىتىندا جۇزەگە اسىرۋ كەرەك، قاراڭعى ۋاقىتتا جاقىنداپ كەلە جاتقان اۆتوموبيلدەرگە فونارمەن نەمەسە الاۋمەن سيگنال بەرۋ مىندەتتى، – دەيدى سقو پد جەرگىلىكتى پوليسيا قىزمەتى باسقارماسىنىڭ باستىعى ايدىن بايماتوۆ.