سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى دميتريي مۋن ۇكىمەت وتىرىسىندا قازاقستاندا جەردىڭ سپۋتنيكتىك مونيتورينگى جۇرگىزىلىپ جاتقانىن اتاپ ءوتتى، دەپ حابارلايدى aqshamnews.kz.
ول بۇرىن جەردى ۇتىمدى پايدالانۋدى تەكسەرۋ قيىن بولعانىن ءتۇسىندىردى. ينسپەكتورلار وزدەرى سول جەرلەرگە بارىپ، ءبارىن قولمەن تەكسەرەتىن. بارلىق جۇمىس قاعاز جۇزىندە جۇرگىزىلدى. مەملەكەتتىك بازالار اراسىندا بايلانىس بولمادى. بۇگىنگى تاڭدا بۇل ۇدەرىس سيفرلاندىرۋدىڭ ارقاسىندا جەڭىلدەتىلگەن.
«جەر ينسپەكتورى» جۇيەسى ىسكە قوسىلدى، ونىڭ شەڭبەرىندە كەلەسىدەي شارالار قابىلداندى:
سپۋتنيكتىك مونيتورينگ ەنگىزىلدى - ءقازىر ەلدىڭ بارلىق اۋماعى باقىلاۋدا.
جەر يەلەرى SMS جانە جەكە كابينەتتەر ارقىلى اۆتوماتتى تۇردە حابارلاما الادى.
بارلىق مەملەكەتتىك ورگاندارعا قولجەتىمدى ءبىرىڭعاي دەرەكتەر بازاسى قۇرىلدى.
«ءقازىر 116 ملن گا اۋىل شارۋاشىلىعى جەرلەرىنىڭ مونيتورينگى جۇرگىزىلۋدە. 2022 جىلدان باستاپ جەردى ءتيىمسىز پايدالانۋ سالدارىنان 12 ملن گا جەر مەملەكەت مەنشىگىنە قايتارىلدى. 2025 جىلى تاعى 2 ملن گەكتار جەردى قايتارۋ جوسپارلانۋدا. جەرگىلىكتى تۇرعىندار ءۇشىن 5 ملن گا اۋىل شارۋاشىلىعى جەرلەرى قايتا ءبولىندى»،
— دەدى دميتريي مۋن.