الماتى قالاسىنىڭ جەدەل ۋاكىلدەرى قوعامدىق كولىكتە جولاۋشىلاردىڭ قالتاسىن اڭدىعان ۇرىلاردى قۇرىقتادى.
ۇستالعان كۇدىكتىلەر جولاۋشىلاردىڭ ۇيالى تەلەفوندارى مەن باعالى زاتتارىن ۇرلاپ كەلگەن، دەپ حابارلايدى aqshamnews.kz Polisia.kz-كە سىلتەمە جاساپ.
— كۇدىكتىلەردىڭ ءبىرى – 47 جاستا، ال ەكىنشىسى – 26 جاستا. ەكەۋى دە وسىعان دەيىن بىرنەشە رەت قىلمىستىق جاۋاپكەرشىلىككە تارتىلعان، ياعني تاجىريبەلى ۇرىلار. قازىرگى ۋاقىتتا ولار قاماۋدا. تەرگەۋ بارىسىندا ولاردىڭ وزگە قىلمىستارعا قاتىسى بار-جوعى تەكسەرىلىپ جاتىر، — دەدى الماتى قالالىق پد كريمينالدىق پوليسيا باسقارماسىنىڭ باستىعى تالانت يسايەۆ.
پوليسەيلەر ازاماتتارعا مۇلىكتىك قاۋىپسىزدىك شارالارىن ۇمىتپاۋ قاجەتتىگىن تاعى دا ەسكەرتەدى. ادامدار كوپ جينالاتىن ورىنداردا باعالى زاتتارىڭىزعا مۇقيات بولىڭىز، اسىرەسە گادجەتتەرىڭىزدى كوزدەن تاسا ەتپەڭىز. ەگەر ۇرلىقتىڭ كۋاسى نەمەسە قۇربانى بولساڭىز، دەرەۋ پوليسياعا حابارلاسىڭىز.