پرەپارات رەسەي فەدەراسياسىنان جەتكىزىلدى.
بۇگىن «قاراعاندى فارماسيەۆتيكالىق كەشەنى» ج ش س ازاماتتاردى ريەۆاكسيناسيالاۋ ءۇشىن Covid-19 ۆيرۋسىنا قارسى ءبىر كومپونەنتتى «سپۋتنيك لايت» پرەپاراتىنىڭ 150 000 دوزاسىن "سق-فارماسيا" حابتارىنا جىبەردى، دەپ حابارلايدى Almaty-akshamy.kz قاراعاندى فارماسيەۆتيكالىق كەشەنىنە سىلتەمە جاساپ.
بۇل پارتيا-كوروناۆيرۋس ينفەكسياسىنىڭ تارالۋىن بولدىرماۋ ماقساتىندا قفك اكسيونەرلەرىنىڭ شەشىمىمەن بولىنگەن گۋمانيتارلىق كومەك.
گۋمانيتارلىق كومەك قاراعاندى فارماسيەۆتيكالىق كەشەنىنەن «سق-فارماسيا» قويماسىنا جونەلتىلدى.
قفك-نىڭ تەمپەراتۋرالىق رەجيمى -35س بولاتىن توڭازىتقىش كامەراسىنان سالقىنداتۋ تىزبەگىن قاتاڭ ساقتاۋعا ارنالعان جابدىق ورناتىلعان مامانداندىرىلعان رەفريجەراتورلارعا تيەلگەن ۆاكسينا ءبىرىڭعاي ديستريبيۋتوردىڭ لوگيستيكالىق حابتارىنا جونەلتىلدى.
پرەپارات بۇگىن قويمالارعا جەتكىزىلەدى جانە ودان ءارى ەل وڭىرلەرى بويىنشا بولىنەدى. قفك نەگىزگى قىزمەتى الەۋمەتتىك ءمانى بار اۋرۋلار - گەموفيليا، ونكولوگيا، ۆيرۋستىق گەپاتيتتەر، قانت ديابەتى، سونداي-اق ورفاندىق اۋرۋلاردى ەمدەۋگە ارنالعان بيوتەحنولوگيالىق دارىلىك پرەپاراتتاردىڭ بيوتەحنولوگيالىق جەلىسىن وندىرۋمەن بايلانىستى. كاسىپورىن 2005 جىلدان باستاپ جۇمىس ىستەيدى.