بەيجىڭ وليمپياداسىنا بيلەت ساتىلمايدى

ءبىراق قىسقى وليمپياداعا بيلەت ساتىلمايدى. بۇل تۋرالى ويىنداردىڭ ۇيىمداستىرۋ كوميتەتى ءوز سايتىندا حابارلادى. ال قاتىستىرىلاتىن كورەرمەندەر كوروناۆيرۋسپەن كۇرەس شارالارىنىڭ تالاپتارىنا جاۋاپ بەرەتىن ادامداردىڭ اراسىنان تاڭدالىپ الىنادى، دەپ حابارلايدى اlmaty-akshamy.kz

جاڭا ەرەجەلەر قيىن ەپيدجاعدايعا بايلانىستى، سونداي-اق سپورتشىلار مەن ىرىكتەلگەن كورەرمەندەردىڭ قاۋىپسىزدىگىن ساقتاۋ ءۇشىن ەنگىزىلگەن.  جۇڭگو سپورت سايىسىنا شەتەلدىك ازاماتتاردىڭ كەلە المايتىنىن بىلتىر قىركۇيەك ايىندا ايتقان بولاتىن.

ەستەرىڭىزگە سالا كەتەيىك، قىسقى وليمپيادا 4-20 اقپان ارالىعىندا، ال پاراوليمپيادا 4-13 ناۋرىز ارالىعىندا وتەدى.

– كوۆيد جاڭا ەكپىنمەن ءورشىپ بارادى. اسىرەسە، "وميكروننىڭ" بەت الىسى جامان. جۇڭگو ۇكىمەتى مەن حالقى كوممۋنيستىك پارتيانىڭ باسشىلىعىمەن كوروناۆيرۋستى ەڭسەرۋ ءۇشىن جان-جاقتى، ۇتىمدى جانە قارقىندى ساياسات جۇرگىزىپ جاتىر. سوندىقتان وليمپيادانىڭ قارساڭىندا ەپيدەمياعا قارسى قابىلدانىپ جاتقان ءىس-شارالاردىڭ تيىمدىلىگىنە ءشۇبا كەلتىرمەسەڭىزدەر بولادى - دەيدى قحر ءسىم رەسمي وكىلى چجاو ليسزيان.