الماتىدا «ALMA CUP 2023» جانە باسقا دا جاستار سايىستارى قالاي ءوتتى
الماتىدا رەسپۋبليكا كۇنىن مەرەكەلەۋ اياسىندا 5500-دەن استام ادامدى قامتىعان جاستارعا ارنالعان 20-دان استام ءىس-شارا ۇيىمداستىرىلدى. ماسەلەن، وتكەن دەمالىس كۇندەرى جوعارى وقۋ ورىندارىنىڭ ستۋدەنتتەرى اراسىندا «ALMA CUP 2023» ءتۋرنيرى ءوتتى، دەپ حابارلايدى Almaty-akshamy.kz
«سپورت چەمپيوناتى-قالا ستۋدەنتتەرى اراسىندا ەڭ تانىمال سپورت تۇرلەرىن بىرىكتىرەتىن اۋقىمدى جوبالاردىڭ ءبىرى. جوبا جاستاردىڭ سپورتتىق دايىندىعىن جانە فۋتبول، ۆولەيبول، باسكەتبول جانە كيبەرسپورت سياقتى سپورت تۇرلەرىنە قىزىعۋشىلىعىن ارتتىرۋعا باعىتتالعان»، - دەپ اتاپ ءوتتى الماتى قالاسىنىڭ جاستار ساياساتى باسقارماسى.
ۆولەيبولدان جۇلدە قورى 1 200 000 تەڭگەنى قۇرادى. ونىڭ ىشىندە 600 000 تەڭگە – ەرلەر اراسىنداعى، قالعان 600 000 تەڭگە – ايەلدەر اراسىندا ۆولەيبولعا جۇمسالدى. ۆولەيبولدان ەرلەر اراسىنداعى تۋرنيرگە مەگاپوليستىڭ 22 جوعارى وقۋ ورنى، ايەلدەر اراسىندا – 14 جوعارى وقۋ ورنى قاتىستى. جارىس ويىنى 2 كۇنگە سوزىلدى، ونىڭ قورىتىندىسى بويىنشا ايەلدەر ۆولەيبول تۋرنيرىندە 1 ورىندى قازستا-نىڭ «ادك» كومانداسى يەلەندى، 300 000 تەڭگەنى جەڭىپ الدى، 2 ورىندى – قازستا-نىڭ «راحات» كومانداسى 200 000 تەڭگەنى جانە 3 ورىندى – قازۇپۋ كومانداسى يەلەنىپ، 100 000 تەڭگەنى الدى. ەرلەر اراسىنداعى تۋرنير ناتيجەسى بويىنشا قازستا كومانداسى 1 ورىندى جەڭىپ الدى، وعان 300 000 تەڭگە، 2 ورىندى قازۇۋ كومانداسى، 200 000 تەڭگە، 3 ورىندى قازۇتزۋ كومانداسى يەلەندى، 100 000 تەڭگە كولەمىندە ۇتىس الدى.
«JAS SPEAK» پىكىرسايىس ءتۋرنيرى بارىسىندا الماتى جاستارى «قازىرگى قازاقستانداعى سىن-قاتەرلەر مەن پەرسپەكتيۆالار» تاقىرىبىن تالقىلادى. فينالعا 30-دان استام كوماندانىڭ 16-سى شىقتى. جەڭىمپاز «Led Zeppelin» فراكسياسى بولدى.
سونداي-اق، Jaidarman Almaty «قازاقستان كۆن وداعى» جانە جاستار ساياساتى باسقارماسىمەن بىرلەسىپ «الاتاۋ» ءداستۇرلى ونەر تەاترىندا «الماتى اكىمى كۋبوگى» ويىنىن وتكىزدى. بايقاۋ قورىتىندىسى بويىنشا رەسپۋبليكانىڭ ۇزدىك كوماندالارى اراسىندا جۇلدەلى ورىندارعا: الماتىدان «ەنەرگو» كومانداسى (3 ورىن جانە 400 000 تەڭگە)، تالدىقورعاننان «شاپالاق» كومانداسى (2 ورىن جانە 600 000 تەڭگە) جانە تارازدان «جۋالى» كومانداسى (1 ورىن جانە باس جۇلدە – 1 000 000 تەڭگە) يە بولدى.
بۇلاردان باسقا، الاتاۋ اۋدانىندا NEET ساناتىندا جاستار اراسىندا فۋتبولدان تۋرنير، قالانىڭ بارلىق اۋداندارىندا جاستار اراسىندا فۋتبولدان «JAS CUP» ءتۋرنيرى جانە ت. ب. ءوتتى.