الماتىدا رەسپۋبليكا كۇنىن مەرەكەلەۋ قارساڭىندا يپپودرومدا «ۇلى دالا ويىندارى» ۇلتتىق سپورت تۇرلەرىنىڭ فەستيۆالى ءوتتى.
جارىسقا بارلىعى 500 - دەن استام ادام قاتىستى، جارىس مىنا ويىن تۇرلەرى بويىنشا ءوتتى – «كوكپار»، «اۋدارىسپاق»، «تەڭگە ءىلۋ»، «جامبى اتۋ»، «اسىق اتۋ»، «توعىزقۇمالاق»، «قازاق كۇرەسى» جانە «بايگە». «قۇنان بايگە» ات جارىسى بويىنشا سايىستاردا 12 شاقىرىم، ال «الامان بايگەدە» 25 شاقىرىم قاشىقتىق قاراستىرىلعان. جارىستىڭ جالپى جۇلدە قورى 5 ملن تەڭگەنى قۇرادى.
«قۇنان بايگەدەن» جارىستا جامبىل وبلىسىنىڭ كەلگەن شاباندوز جولشىبەك ءمادي ءبىرىنشى بولىپ مارەگە جەتتى، ەكىنشى جانە ءۇشىنشى مارەنى الماتى وبلىسىنىڭ شاباندوزدارى بەكزات ءدىلداحان مەن سەمبەك مۇقاعالي اياقتادى. 1 ورىن ءۇشىن اقشالاي جۇلدە 1 ملن تەڭگەنى، 2 ورىن ءۇشىن - 500 000 مىڭ تەڭگەنى جانە 3 ورىن ءۇشىن - 250 000 مىڭ تەڭگەنى قۇرادى.
«الامان بايگە» ساناتىندا 1 ورىن الماتىلىق شاباندوز ايسۇلتان ساعىمبەككە، 2 ورىن جامبىل وبلىسىنان كەلگەن اسىلجان تولەگەنگە، 3 ورىن الماتى وبلىسىنىڭ شاباندوزى ينسار سارمامبەتكە بۇيىردى. 1 ورىن ءۇشىن جۇلدە قورى 1 500 000 تەڭگە، 2 ورىن ءۇشىن 600 مىڭ جانە 3 ورىن ءۇشىن 400 000 تەڭگە كولەمىندە بولدى. سونىمەن قاتار، جارىستىڭ قالعان تۇرلەرى بويىنشا قاتىسۋشىلارعا ديپلومدار مەن باعالى سىيلىقتار تابىس ەتىلدى.
ءىس-شارا اياسىندا تريبۋنا الدىنداعى الاڭدا قولونەر جارمەڭكەسى ءوتتى، سونداي-اق قالاعان ادامداردىڭ بارلىعى ارمرەستلينگ، گير كوتەرۋ جانە «توعىزقۇمالاق» تۋرنيرلەرىنە قاتىسا الدى.
بايگە، ات ويىندارىنان باسقا دا سپورتتىق ىس-شارالارمەن قاتار قوناقتار مەن قاتىسۋشىلار ءۇشىن «وتىرار سازى» ۇجىمى، «دومبىرا تريوسى» ۇلتتىق ءانسامبلى جانە ءارتىس اسحات تارعىن ونەر كورسەتتى.