مەملەكەت باسشىسىن قۇرمەت قاراۋىلى ساپ تۇزەگەن بەيجىڭ اۋەجايىندا قحر ونەركاسىپ جانە اقپارات ءمينيسترى سزين چجۋانلۋن جانە باسقا دا لاۋازىمدى تۇلعالار سالتاناتپەن قارسى الدى.
ەكى كۇندىك رەسمي ساپار بارىسىندا پرەزيدەنت قاسىم-جومارت توقايەۆ قحر ءتوراعاسى سي سزينپينمەن، قحر مەملەكەتتىك كەڭەسىنىڭ پرەمەرى لي سيانمەن جانە بۇكىلقىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى چجاو لەسزيمەن كەلىسسوزدەر جۇرگىزەدى، سونداي-اق جوعارى دەڭگەيدەگى «ءبىر بەلدەۋ، ءبىر جول» باستاماسىنىڭ III فورۋمىنا قاتىسادى.
سونىمەن قاتار قاسىم-جومارت توقايەۆ بەيجىڭ ءتىل جانە مادەنيەت ۋنيۆەرسيتەتىنىڭ اۋماعىندا ورناتىلعان ءابۋ ناسىر ءال-فارابي ءبيۋستىن سالتاناتتى تۇردە اشادى.
بۇدان بولەك، ساپار اياسىندا قىتايدىڭ ءىرى كومپانيالارى باسشىلارىمەن ءبىرقاتار كەزدەسۋ وتكىزەدى.
@ptrkk