ۇستەماقى بىلىكتىلىگىنە بايلانىستى كاتەگوريا ءۇشىن قوسىلادى.
بۇل جاڭاشىلدىقتار 2023 جىلدان باستاپ كۇشىنە ەنەدى، دەپ حابارلايدى Almaty-akshamy.kz مادەنيەت جانە سپورت ءمينيسترى اسحات ورالوۆتىڭ سوزىنە سىلتەمە جاساپ.
مەكتەپ-ينتەرناتتىڭ جاتتىقتىرۋشى-وقىتۋشىلارىنا كاتەگوريا ءۇشىن بىلىكتىلىگىنە قاراي 6 مىڭنان 22 مىڭ تەڭگەگە دەيىن جاڭا ۇستەماقى تولەنەدى.
ءمينيستردىڭ ايتۋىنشا، سپورت مەكتەپتەرىنىڭ مۇعالىمدەرى مەن جاتتىقتىرۋشىلارىنىڭ اپتاداعى وقۋ جۇكتەمەسىن 24-تەن18 ساعاتقا دەيىن تومەندەتۋ جوسپارلانىپ وتىر.
«مەملەكەت باسشىسى بالالار سپورتىن دامىتۋعا جانە پەداگوگ ماماندىعىنىڭ مارتەبەسىن ارتتىرۋعا ەرەكشە كوڭىل بولەدى. ءبىز الداعى ۋاقىتتا جاتتىقتىرۋشى-وقىتۋشىلارعا توپقا جەتەكشىلىك جاساعانى جانە سپورتشىنى جوعارى سپورتتىق ۇيىمدارعا بەرگەنى، سونىمەن قاتار سپورتتىق اتاقتار ءۇشىن ۇستەماقىنىڭ جاڭا تۇرلەرىن ەنگىزۋدى جوسپارلاپ وتىرمىز. سالا قىزمەتكەرلەرىن الەۋمەتتىك قولداۋ بويىنشا جۇمىستار دا نازاردان تىس قالمايدى. ءبىز وسى باعىتتاعى مىندەتتەردى ءتيىستى دەڭگەيدە ورىنداۋدى الداعى ۋاقىتتا دا جالعاستىراتىن بولامىز»، - دەپ سەندىردى ورالوۆ.
ول دەنە شىنىقتىرۋ جانە سپورت سالاسىنداعى قولدانىستاعى نورماتيۆتىك-قۇقىقتىق بازا تالاپتارعا تولىق سايكەس كەلمەيتىنىن جانە سالانىڭ ناقتى قاجەتتىلىكتەرىن ەسكەرمەيتىنىن ايتتى. سوندىقتان مينيسترلىك زاڭعا تۇزەتۋلەر ەنگىزۋ قاجەت دەپ شەشكەن.