سپانچ بوب ەندى قازاق تىلىندە سويلەيدى

265 سەرياسى اۋدارىلىپ، دىبىستالعان.

امەريكاندىق Nickelodeon بالالار ارناسىنىڭ «سپانچ بوب كۆادراتنىە شتانى» مۋلتحيكاياسىنىڭ قازاق ءتىلدى نۇسقاسىنىڭ كورسەتىلىمى باستالدى، دەپ حابارلايدى Almaty-akshamy.kz Almaty.tv سىلتەمە جاساپ.

تالاپقا ساي كەلىسىمشارت وتكەن جىلى جاسالعان. قازاقستاندىقتار كوپتەن كۇتكەن قۋانىشتى وقيعانىڭ كۋاگەرى بولىپ، انيماسيالىق تەلەحيكايانىڭ ۇزىندىلەرىن الەۋمەتتىك جەلىلەردە ءبولىستى.

ش. ايمانوۆ اتىنداعى «قازاقفيلم» اق وندىرىستىك قىزمەت باسشىسىنىڭ ايتۋىنشا، بۇگىنگى تاڭدا وتاندىق اكتەرلەر مەن ديكتورلار 11 ءمۋلتفيلمنىڭ اۋدارماسىن جاساۋدا، ولار:  «چۋپي مەن دۋدۋ»، «روبوكار پولي»، «مونسترى»، «ليزا مەن تەما» ەرتەگىلەرى جانە باسقالار.

سونداي-اق كينوكومپانيادا «سپانچ بوبتىڭ» 265 سەرياسى اۋدارىلىپ، دىبىستالعانىن اتاپ ءوتتى.

ءمۋلفيلمنىڭ اۋدارماسى «رۋحاني جاڭعىرۋ باعدارلاماسىن جۇزەگە اسىرۋ جانە بالالار كونتەنتىن مەملەكەتتىك تىلدە دامىتۋ شەڭبەرىندە ىسكە اسىرىلدى. Nickelodeon باعدارلامالارى 70 ەلدە 22 تىلدە تاراتىلادى. ارنانىڭ ەڭ تانىمال كەيىپكەرى - سپانچ بوب. بۇل كۇلكىلى تەڭىز گۋبكاسىنىڭ باسىنان كەشكەن وقيعالارىن بۇكىل الەمدەگى ەرەسەكتەر دە، بالالار دا قىزىعا تاماشالايدى.