ارنايى نۇسقاۋلارعا قول قويىلدى.
ق ر اشم ۆەتەرينارلىق باقىلاۋ جانە قاداعالاۋ كوميتەتىنىڭ ءتوراعاسى اسقار جاقىپبايەۆتىڭ ۆەتەرينارلىق جانە فيتوسانيتارلىق قاداعالاۋ بويىنشا فەدەرالدىق قىزمەت باسشىسىنىڭ ورىنباسارى كونستانتين ساۆەنكوۆپەن كەزدەسۋىنىڭ قورىتىندىسى بويىنشا ماسكەۋدە قۇس تۇماۋىنا بايلانىستى ەنگىزىلگەن ۋاقىتشا شەكتەۋلەردى ءوزارا الىپ تاستاۋ تۋرالى نۇسقاۋلارعا قول قويىلدى، دەپ حابارلايدى Almaty-akshamy.kz Eldala.kz سىلتەمە جاساپ.
"روسسەلحوزنادزوردىڭ" 2022 جىلعى 14 ساۋىردەگى №فس-كس-7/10399 حاتىمەن قازاقستان رەسپۋبليكاسىنىڭ ءتورت وبلىسىنان (سولتۇستىك قازاقستان، پاۆلودار، اقمولا جانە اقتوبە وبلىستارى) ۋاقىتشا شەكتەۋلەر الىنىپ تاستالعانى اتاپ وتىلەدى.
"بۇل شارا وتاندىق قۇس ءوسىرۋ كومپانيالارىنا ءوز ونىمدەرىن رەسەي فەدەراسياسىنا ەكسپورتتاۋعا مۇمكىندىك بەرەدى"، - دەپ حابارلادى ۆەتەرينارلىق باقىلاۋ كوميتەتى.
ۆەدومستۆونىڭ مالىمەتىنشە، 14 ساۋىردەن باستاپ قازاقستان رەسپۋبليكاسىنا ءتىرى قۇستى، ينكۋباسيالىق جۇمىرتقانى، مامىق پەن قاۋىرسىندى، قۇس ەتىن جانە جىلۋمەن وڭدەۋدەن وتپەگەن قۇس ەتىنىڭ بارلىق تۇرلەرىن (كەمىندە 70°س، 30 مينۋت ىشىندە)، قۇس ەتى مەن جەمشوپ قوسپالارىن (حيميالىق جانە ميكروبيولوگيالىق سينتەزدىڭ جەمشوپ قوسپالارىن قوسپاعاندا)، سونداي-اق قۇستى ۇستاۋ، سويۋ جانە بولشەكتەۋ ءۇشىن بۇرىن قولدانىستا بولعان جابدىقتاردى باشقۇرتستان رەسپۋبليكاسىنان، ستاۆروپول ولكەسىنەن (گەورگييەۆسك قالاسى مەن نەفتەكۋمسك، گەورگييەۆكا، يزوبيلنەن جانە گراچيەۆسكيي اۋداندارىن قوسپاعاندا)، ساراتوۆ (كراسنوپارتيزان، دەرگاچيەۆ جانە فەدوروۆ اۋداندارىن قوسپاعاندا)، روستوۆ (پەسچانوكوپ، زەرنوگراد جانە چەرتكوۆسكيي اۋداندارىن قوسپاعاندا) جانە رەسەي فەدەراسياسىنىڭ چەليابينسك وبلىستارىنان اكەلۋگە قۇس تۇماۋى بويىنشا بۇرىن ەنگىزىلگەن ۋاقىتشا شەكتەۋلەر الىنىپ تاستالادى.
ەستەرىڭىزگە سالا كەتەيىك، ق ر جەكەلەگەن وبلىستارىندا قۇس تۇماۋىنىڭ ورشۋىنە بايلانىستى 2021 جىلدىڭ كۇزىندە رف قازاقستاندىق قۇس شارۋاشىلىعى ونىمدەرىن اكەلۋگە تىيىم سالدى. بۇگىنگى كۇنى ق ر ونەركاسىپتىك قۇس شارۋاشىلىعىندا ەپيزووتيالىق جاعداي تۇراقتاندى جانە وندىرۋشىلەر ينفەكسيانى بولدىرماۋ بويىنشا بارلىق قاجەتتى ءىس-شارالاردى جۇرگىزدى.