قۇراستىرۋشى كومپانيا ءقازىردىڭ وزىندە 3800-گە جۋىق Starlink ينتەرنەت سپۋتنيكتەرىن ۇشىردى
SpaceX كومپانياسى دۇيسەنبى كۇنى وربيتاعا 49 شاعىن جەرسەرىگىن ۇشىرادى. ماقسات – Starlink جۇيەسىنىڭ عالامدىق ينتەرنەت-قامتۋ جەلىسىنىڭ وربيتالىق توپتاماسىن تولىقتىرۋ، دەپ حابارلايدى Almaty-akshamy.kz قازاقپاراتقا سىلتەمە جاساپ.
Starlink عارىش اپپاراتتارى بار Falcon 9 زىمىران-تاسىعىشى 30 قاڭتاردا كاليفورنياداعى ۆاندەنبەرگ عارىش كۇشتەرى بازاسىنان ۇشىرىلادى.
SpaceX قۇراستىرۋشىلارى باستاپقىدا ۇشىرىلىم جەكسەنبى، 29 قاڭتارعا، جوسپارلانعانىن ايتتى. ءبىراق كومپانيا ۇشىرىلىم الدىندا قوسىمشا تەكسەرۋ جۇرگىزۋ ءۇشىن وربيتالىق ميسسيانى ءبىر كۇنگە كەيىنگە قالدىردى.
Falcon 9 زىمىران-تاسىعىشى كەڭجولاقتى ينتەرنەتكە قوسىلۋ ءۇشىن تاعى 49 شاعىن جەرسەرىكتى قوسۋ ارقىلى Starlink سپۋتنيكتەرىنىڭ پارتياسىن جەر ماڭىنىڭ تومەنگى وربيتاسىنا شىعارۋدى جوسپارلاپ وتىر.
جوسپارعا سايكەس، زىمىران-تاسىعىش ۇشىرىلعاننان كەيىن 8،5 مينۋتتان سوڭ جەرگە ورالادى جانە تىنىق مۇحيتىنداعى كاليفورنيا جاعالاۋىندا، بازادان 655 شاقىرىم جەردە ورنالاسقان ۇشقىشسىز عارىش اپپاراتىنا تىك قونۋى قاجەت.
دۇيسەنبى كۇنگى ۇشىرۋ SpaceX ءۇشىن بيىلعى جەتىنشى جانە Starlinkء-تىڭ وسى جىلعى ءۇشىنشى ميسسياسى بولماق.
قۇراستىرۋشى كومپانيا ءقازىردىڭ وزىندە 3800-گە جۋىق Starlink ينتەرنەت سپۋتنيكتەرىن ۇشىردى. ولاردىڭ كەيبىرەۋلەرى جۇمىسىن توقتاتتى نەمەسە وربيتادان شىعىپ كەتتى، شامامەن 3،5 مىڭ قۇرىلعى عارىشتا ءالى دە جۇمىس ىستەپ تۇر.
بولاشاقتا SpaceX وسىنداي قۇرىلعىدان تۇراتىن 12 مىڭ وربيتالىق توپتامانى ورنالاستىرۋدى جوسپارلاپ وتىر. سونىمەن قاتار، كومپانيا بولاشاقتا تاعى 30 مىڭعا جۋىق قۇرىلعى ورنالاستىرۋعا ءوتىنىم بەردى.