Mercedes جۇرگىزۋشىسى سوققىدان كەيىن ءرولدى باسقارا الماي قالعان.
الماتى وبلىسىندا تاس جولدا كولىك اپاتقا ۇشىراپ، ىلە-شالا ورتەنىپ كەتتى. وقيعا ورنىندا ەكى ادام قازا تاپتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
30 قاڭتاردا قاپشاعاي تاس جولىنىڭ 54-شاقىرىمىندا Ford Mondeo مەن بيزنەس كلاستاعى Mercedes-Benz سوقتىعىستى. سالدارىنان Ford جولدان كيۋۆەتكە ۇشىپ ءتۇسىپ، ورتەنىپ كەتتى.
پوليسيانىڭ مالىمەتىنشە، جول اپاتىنان ەكى ادام وپات بولدى. Ford كولىگىنىڭ جۇرگىزۋشىسى قالاي كوز جۇمعانىن پوليسيا ناقتىلامادى. ال وقيعا كۋاگەرىنىڭ ايتۋىنشا، ەر ادام كولىگىمەن بىرگە ورتەنىپ كەتكەن.
Mercedes جۇرگىزۋشىسى سوققىدان كەيىن ءرولدى باسقارا الماي قالعان، كولىكتىڭ دوڭعالاعى جۇلىنىپ كەتىپ، بىرنەشە رەت جولدى ءبولىپ تۇراتىن كەدەرگىگە سوعىلعان. ول جاقىن ماڭداعى اۋرۋحاناعا جاتقىزىلدى.
وقيعا ورنىندا پوليسيا قىزمەتكەرلەرى جۇمىس ىستەپ جاتىر.