كەيبىر Telegram-ارنالاردا وتىنمەن ءجۇرىپ كەلە جاتقان كولىكتىڭ كۇلكىلى بەينەجازباسى جاريالانعان بولاتىن
الماتى پوليسياسى كولىك سالونىنىڭ ورتاسىنا «پەش» قويعان جۇرگىزۋشىنى جاۋاپكەرشىلىككە تارتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
كولىكتى 1955 جىلى تۋعان ل.ەسىمدى ازامات باسقارعان.
«كولىك قۇرالىن پايدالانۋ ەرەجەلەرىن بۇزعان جۇرگىزۋشىنى انىقتاۋعا باعىتتالعان تەكسەرۋ شارالارى اياسىندا، قازاقستان رەسپۋبليكاسىنىڭ اكىمشىلىك زاڭناماسىنا سايكەس شارالار قابىلداندى. ق ر اقبتك-نىڭ 590-بابى 7-بولىگى بويىنشا ماتەريال جيناقتالدى. كولىك مامانداندىرىلعان ايىپپۇل تۇراعىنا قويىلدى. ناقتىراق ايتساق، بۇل جولى اۆتوكولىك جۇرگىزۋشىسى سالوننىڭ ورتاسىنا اشىق وتتى پەش جاساپ، ەكى جاعىنا گاز باللوندارىن ورنالاستىرعان. مۇنداي كولىكتى باسقارۋ، ەڭ الدىمەن، ونىڭ يەسىنە، جولاۋشىلارعا جانە باسقا دا جول قوزعالىسىنا قاتىسۋشىلارعا ءقاۋىپ توندىرەتىنى انىق»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.