ق ر ۇكىمەتىنىڭ «ورتالىق كلينيكالىق اۋرۋحانا» اكسيونەرلىك قوعامىن «ق ر ءپىب مو ۇلتتىق گوسپيتالى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دەپ وزگەرتۋ تۋرالى قاۋلىسى شىقتى.
بۇل تۋرالى Almaty-akshamy.kz ق ر پرەزيدەنتىنىڭ ءىس باسقارماسىنىڭ باسپا ءسوز قىزمەتىنە سىلتەمە جاساپ حابارلايدى.
قاۋلىدا ايتىلعانداي، قايتا قۇرىلعان كاسىپورىننىڭ ۋاكىلەتتى ورگانى بولىپ ق ر پرەزيدەنتى ءىس باسقارماسىنىڭ مەديسينالىق ورتالىعى ايقىندالدى. ونىڭ نەگىزگى قىزمەتى – دەنساۋلىق ساقتاۋ سالاسىندا قىزمەت كورسەتۋ.
قاۋلى قول قويىلعان كۇننەن باستاپ كۇشىنە ەندى.
«ورتالىق كلينيكالىق اۋرۋحانا» اق-ىن قايتا قۇرۋ كاسىپورىندى ودان ءارى دامىتۋ ءۇشىن زاڭنامالىق تۇرعىدا قاجەت ەكەنىن اتاپ وتكەن ءجون. بۇدان سوۆمين پاسيەنتتەرى ءۇشىن ەشقانداي وزگەرىس بولمايدى، اۋرۋحانا سول عيماراتتا، سول مەكەن-جايدا قالادى.
- گوسپيتالدىڭ باستى مىندەتى – پاسيەنتتەرىمىزدىڭ دەنساۋلىعىن تۇزەۋگە ساپالى قىزمەت كورسەتۋ. قۇرىلىمدىق وزگەرىستەردىڭ مەديسينالىق پروسەستەرگە اسەرى بولمايدى، بۇل تەك ۇيىمداستىرۋ ماسەلەلەرىنە قاتىستى. ءبىز ونىڭ ءبارىن ق ر ءپىب مەديسينالىق ورتالىعىمەن بىرلەسىپ، جەدەل رەتتەپ جاتىرمىز. سوۆمين قاشاندا وتاندىق مەديسينانىڭ كوشباسشىسى بولعان، كەز كەلگەن زاڭدى فورمادا سولاي بولىپ قالا بەرەدى، – دەدى كاسىپورىن باسشىسى اسحات برالوۆ.