شەكارا اسىپ، شەتەل كورۋ ءار ادامنىڭ ارمانى. دەگەنمەن، بۇل اركىمنىڭ باسىنا بۇيىرا بەرمەيتىنى انىق. ال جوسپارلاعان ادام شەتەل ارالاپ، ەرەكشە اسەرگە بولەنەتىنى انىق. جوسپارلاعانداردىڭ كوبى ارمانىن ورىنداي الماي قالاتىنى جاسىرىن ەمەس. سول ءۇشىن ادام بالاسى كىتاپ وقۋ ارقىلى ءوز قيالىنا جەتۋى بەك مۇمكىن. ەندەشە ساياحاتقا جانى قۇمار جاندارعا موتيۆاسيا بەرەتىن بەس كىتاپتى وقىپ شىقساڭىز ولجاعا كەنەلەرىڭىز انىق.
«سيسيليا: ءتاتتى بال، اششى ليموندار» (مەتيۋ فورت)
بۇل كىتاپ مەتيۋ فورت اتتى ەر ادامنىڭ سيسيلياعا ساياحاتى تۋرالى. ول يتاليالىق Vepsa مودەلىندەگى ەسكى موتوروللەرمەن ارالدى تۇگەلدەي شارلاپ شىققان. بۇل ساياحات تۋرالى رومان، ۇلكەن كۇندەلىك، وي تولعاۋ سياقتى. كىتاپ ءسىزدى بەي-جاي قالدىرمايدى. ماسەلەن، كىتاپتىڭ ءبىر ءبولىمى يتاليانىكىنە مۇلدە ۇقساسمايتىن سيسيليانىڭ اسى تۋرالى جازىلعان.
«اق جولبارىس» (اراۆيند اديگا)
«اق جولبارىس» - ءۇندىستان قوعامىنداعى تۇلعا ارالىق قاتىناس پەن الەۋمەتتىك پروبلەمالاردى - تامىرىن تەرەڭ جايعان جەمقورلىق، داتۇرگە دەگەن سوقىر سەنىم، كەدەيشىلىك جانە تاعى سول سياقتىلاردى سيپاتتايتىن كىتاپ. ونى وقۋ جەڭىل تيمەيدى، تۋىندىنى ءۇندىستانعا ساياحات جاساپ، وسى ەلدى تۇسىنگىسى كەلەتىن ادام قولىنا العان ءجون.
«تيبەتتەگى جەتى جىل» (گەنريح حاررەر)
اۋستريالىق ساياحاتشى ءارى الپينيست گەنريح حاررەردىڭ اۆتوبيوگرافيالىق تاريحناماسى. ول تيبەتتە 1944 پەن 1951 جىلارى، ەكىنشى دۇنيەجۇزىلىك سوعىس پەن وسى ايماققا قىتايدىڭ باسىپ كىرگەنىنە دەيىن ءومىر سۇرگەن. كىتاپ تيبەت حالقى، ونىڭ بىرىزدىلىگى مەن مادەنيەتى تۋرالى. سونىمەن قوسا، بۇل ەلدىڭ قالاي جۇڭگو پروۆينسياسىنا اينالعانى سيپاتتالادى. كەيىن جاقسى دوسقا اينالعان دالاي لاما تۋرالى دا قىزىقتى جازىلعان.
«جولدا» (دجەك كەرۋاك)
بۇل كىتاپتى ۇزاق ۋاقىت بويى باسپالار قابىلداماعان ەكەن. الايدا كەيىن ول امەريكالىق پروزانىڭ كلاسسيكاسىنا قوسىلىپ، بيت-ۇرپاق ادەبيەتىنىڭ ماڭىزدى ۇلگىسىنە اينالدى. كىتاپتا دجەك كەرۋاك پەن دوسى نيل كەسسەديدىڭ قۇراما شتاتتار مەن مەكسيكا جەرلەرىن ساياحاتتاۋى جايلى.
«كاسابلانكاداعى جىل» (تاحير شاح)
بۇل بۇلتتى كۇن رايى مەن لوندوننىڭ تىرشىلىك ىرعاعىنان مەزى بولعان انگليالىق تۋرالى. ول وتباسىن الىپ سولتۇستىك افريكاعا كوشىپ كەتەدى. كىتاپتا وزگە ەلگە ءسىڭىسىپ كەتۋدىڭ قيىندىعى جاقسى باياندالعان، جەرگىلىكتى حالىقتىڭ ءتىلىن بىلە تۇرعانىمەن سەن بوگدەسىڭ، ويتكەنى ولاردىڭ ءسالت-داستۇرى مەن ءداستۇرى ساعان تولىق تۇسىنىكسىز. بۇل كىتاپقا ءبىر جاقتى باعا بەرىلمەگەنىن ايتا كەتەيىك. ءبىرى ونى بۇتىندەي شابلون دەسە، وزگەلەرى قاتتى تامسانعان.