پرەزيدەنت پروۆينسيالىق كوميتەتتىڭ حاتشىسى، ۇلتتىق جينالىستاعى باكنين پروۆينسياسى دەپۋتاتتارى دەلەگاسياسىنىڭ باسشىسى نگۋەن ان تۋانمەن كەزدەستى
كەزدەسۋ بارىسىندا قازاقستان مەن ۆەتنامنىڭ وڭىرلەرى اراسىنداعى بايلانىستاردى دامىتۋ پەرسپەكتيۆالارى تالقىلاندى، دەپ حابارلايدى Almaty-akshamy.kz.
قاسىم-جومارت توقايەۆ ەلىمىز ۆەتنامنىڭ جانە بۇكىل وڭتۇستىك شىعىس ازيانىڭ ينتەللەكتۋالدىق-وندىرىستىك حابى سانالاتىن باكنين پروۆينسياسىمەن تىعىز قارىم-قاتىناس ورناتۋعا نيەتتى ەكەنىن اتاپ ءوتتى. پرەزيدەنت ءوڭىرارالىق جان-جاقتى ىنتىماقتاستىقتى دامىتۋ ماقساتىندا باكنين پروۆينسياسى مەن قازاقستان وڭىرلەرىنىڭ ءبىرى اراسىندا باۋىرلاستىق قاتىناس ورناتۋدى ۇسىندى. سونىمەن قاتار اڭگىمەلەسۋ بارىسىندا ينۆەستيسيا تارتۋ، يننوۆاسيانى دامىتۋ، ارناۋلى ەكونوميكالىق جانە يندۋستريالىق ايماقتاردىڭ جۇمىستارى، اسا ماڭىزدى شيكىزات ماتەريالدارى مەن جارتىلاي وتكىزگىشتەردى ءوندىرۋ ماسەلەلەرى قاراستىرىلدى.