باي مەملەكەتتەر 2021 جىلدىڭ سوڭىنا دەيىن الەم حالقىنىڭ 40% ەكپە سالۋدى كوزدەپ وتىر.
G20 مەملەكەتتەرىنىڭ دەنساۋلىق ساقتاۋ مينيسترلەرى وسى جىلدىڭ سوڭىنا دەيىن الەم حالقىنىڭ 40% سOVID-19 قارسى ەكپە سالۋدى كوزدەپ وتىر، دەپ حابارلايدى Almaty-akshamy.kz Interfax.ru سايتىنا سىلتەمە جاساپ.
G20 ەلدەرىنىڭ دەنساۋلىق ساقتاۋ مينيسترلىكتەرىنىڭ باسشىلارى ريمدەگى سامميت سوڭىندا 2021 جىلدىڭ سوڭىنا دەيىن الەم حالقىنىڭ كەم دەگەندە 40% -ىن COVID-19 قارسى ۆاكسينالاۋ ماقساتىنا ەڭبەك ەتۋگە دايىن ەكەنىن مالىمدەدى.
سونىمەن قاتار باي مەملەكەتتەردىڭ مينيسترلەرى كەرەك بولعان جاعدايدا، ۆاكسينامەن تولىققاندى قامتاماسىز ەتۋ ماقساتىندا ەكپە «دوزالارىمەن بولىسۋگە» دايىن ەكەنىن ايتتى.
«رەسەيلىك عالىمداردىڭ 30 مينۋت ىشىندە ادام اعزاسىندا COVID-19 ۆيرۋسىنىڭ بار-جوعىن انىقتايتىن قۇرىلعى ويلاپ تاپقان. فەدەرالدى بيومەديسينالىق اگەنتتىكتىڭ ماماندارى SARS-CoV-2 مۋتاسياسىن جىلدام باقىلاۋدىڭ جولىن تاپتى، ياعني كوروناۆيرۋستىڭ ماڭىزدى قاسيەتتەرىنە جاۋاپ بەرەتىن گەنومنىڭ تەك ءبىر بولىگىن انىقتاي الادى»، – دەلىنگەن COVID-19 تارالۋىنا جول بەرمەۋ جونىندەگى ۆاك حابارلاماسىندا.
چيلي رەسپۋبليكاسىنىڭ ۇكىمەتى قىتايلىق Sinovac شىعارعان كوروناۆيرۋستىق ينفەكسياعا قارسى ۆاكسينانى 6 جاستان اسقان بالالارعا قولدانۋعا رۇقسات بەردى. شەشىم ءۇش جاستان 17 جاسقا دەيىنگى بالالار مەن جاسوسپىرىمدەر توبىن ۆاكسينالاۋ قورىتىندىسىن زەرتتەگەن ساراپشىلار كوميسسياسىمەن قابىلداندى. ساراپشىلار جۇرگىزىلگەن زەرتتەۋلەر ۆاكسينادان يممۋندىق رەاكسيانىڭ جاقسى ناتيجەسىن بەرگەنىن اتاپ ءوتتى.
يندونەزيا كوروناۆيرۋس بويىنشا ەپيدەميولوگيالىق جاعدايدىڭ جاقسارۋىنا قاراماستان، كارانتين جەڭىلدەتىلمەيدى. وتكەن تاۋلىكتە ەلدە 4 413 COVID-19 تاسىمالداۋشىسى انىقتالدى. ۇكىمەت ياۆا مەن بالي ارالدارىنداعى شەكتەۋلەردى 13 قىركۇيەككە دەيىن ۇزارتۋ تۋرالى شەشىم قابىلدادى. كىشىگىرىم جەڭىلدىكتەر ءدىني ورىندارعا، مەيرامحانالار مەن ساۋدا ورتالىقتارىنا قاتىستى ورىن الادى. كوروناۆيرۋسقا قارسى تولىق ۆاكسينالاۋدان وتكەن يندونەزيالىقتاردىڭ سانى 38 ميلليون ادامعا جەتتى.
باتىس اۆستراليا كوروناۆيرۋستىق ينفەكسيا بويىنشا شەكتەۋلەر الىنىپ تاستالاتىن دەڭگەيدى انىقتادى. شتاتتىڭ پرەمەر-مينيسترى مارك ماكگوۋەن ۇكىمەت تۇرعىنداردىڭ 90%-ى COVID-19-عا قارسى تولىق ۆاكسيناسيالانعانعا دەيىن كوروناۆيرۋسقا قارسى شەكتەۋلەردى الىپ تاستاۋ مۇمكىندىگىن قاراستىرمايتىنىن ايتتى. سونىمەن قاتار، ماكگوۋەن باتىس اۆستراليا باسقا شتات تۇرعىندارى ءۇشىن ءوز شەكارالارىن اشقانعا دەيىن بىرنەشە ايلىق ۋاقىت وتەتىنىن ايتتى. بۇل تەك 2022 جىلى مۇمكىن بولاتىنىن جەتكىزدى.