ماماندار تۇراقتاندىرۋ قورلارىنىڭ جۇمىس ءپرينسيپىن قايتا قاراۋدى ۇسىندى

باعانىڭ ەڭ كوپ ءوسۋى كۇتىلەتىن تاۋارلاردىڭ تۇرلەرىن ساتىپ الۋ قاجەت. 

قازاقستان اۋىل شارۋاشىلىعى سالاسىنداعى ماماندار ازىق-تۇلىك باعاسىن تۇراقتاندىرۋ ءۇشىن تۇراقتاندىرۋ قورلارىنىڭ جۇمىس ءپرينسيپىن قايتا قاراۋدى ۇسىنىپ وتىر، دەپ حابارلايدى Almaty-akshamy.kz.

مامانداردىڭ ۇسىنىسى بويىنشا، ماۋسىمارالىق كەزەڭدە تۇراقتاندىرۋ قورلارىندا كارتوپ، ءسابىز، قىرىققابات جانە پيازدىڭ قالا حالقى قاجەتتىلىگى بويىنشا 30% كولەمىندە، ال قاراقۇمىق جارماسى مەن كۇنباعىس مايى بويىنشا بۇكىل حالىقتىڭ قاجەتتىلىگىنىڭ بەس ايلىق قورىن قالىپتاستىرۋ ۇسىنىلىپ وتىر.

«ەسەپتىك دەرەكتەر بويىنشا رەسپۋبليكادا كارتوپ پەن كوكونىستى ساتىپ الۋ كولەمى 229 مىڭ توننانى، قاراقۇمىق جارماسى 17،6 مىڭ توننانى، ال كۇنباعىس مايى 28،5 مىڭ توننانى قۇرايدى»، - دەدى اۋىل شارۋاشىلىعىنىڭ ءبىرىنشى ۆيسە-مينيسترى ايداربەك ساپاروۆ ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسى بارىسىندا.

سونىمەن قاتار، اۋىل شارۋاشىلىعى ءبىرىنشى ۆيسە-مينيسترىنىڭ اقپاراتى بويىنشا، شيكىزات بازاسىن دامىتۋ ءۇشىن «ازىق-تۇلىك كەلىسىم شارت كورپوراسياسى» ۇك» اق بازاسىندا تۇراقتى جۇمىس ىستەيتىن جەمدىك استىق قورىن قالىپتاستىرۋدى، سونداي-اق ءىرى جانە جەمدىك جەمشوپتەردى اكەتۋگە ۋاقىتشا ساندىق شەكتەۋلەر (كۆوتا) نەمەسە تىيىم سالۋدى كوزدەيتىن جەمشوپ ءوندىرىسىن دامىتۋ جونىندەگى جول كارتاسى ازىرلەنەتىن بولادى.