تەرگەۋ ءالى ءجۇرىپ جاتىر.
سوت قايرات بورانبايەۆتى 2 اي مەرزىمگە كۇزەتپەن ۇستاۋعا سانكسيا بەردى. بۇل تۋرالى قارجىلىق مونيتورينگ اگەنتتىنىڭ باسپا ءسوز قىزمەتى مالىمەت تاراتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قارجىلىق مونيتورينگ اگەنتتىگى كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسى بويىنشا قىلمىستىق ءىستى تەرگەپ جاتىر. كۇدىككە ىلىنگەن ق.س. بورانبايەۆ ۋاقىتشا ۇستاۋ يزولياتورىنا قامالدى.
17 ناۋرىزدا سوت ونىڭ ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەردى.
«قىلمىستىق-پروسەسسۋالدىق كودەكستىڭ 201-بابى بويىنشا، تەرگەۋ مۇدەسىنە وراي باسقا اقپاراتتاردى جاريالاۋعا بولمايدى»، - دەپ جازىلعان اگەنتتىكتىڭ مالىمەتىندە.